கோலாலம்பூர், மார்ச் 1 - நாடாளுமன்ற மற்றும் சட்டமன்ற உறுப்பினர்களுக்கான சிறப்பு மானியத்தின் கீழ் உள்ள திட்டங்களை சரியான நேரத்தில் முடிக்கத் தவறும் ஒப்பந்ததாரர்களுக்கு, தாமதமாகும் ஒவ்வொரு நாளுக்கும், ஒப்படைக்கப்பட்ட சேதங்களுக்கான இழப்பீடு (Liquidated Ascertained Damages - LAD) அபராதம் விதிக்கப்படும் என அரசாங்கம் தெரிவித்துள்ளது.
சம்பந்தப்பட்ட நிறுவனங்களின் ஒப்பந்தம் ரத்து செய்யப்படுவதோடு, எதிர்காலத்தில் அரசாங்கத் திட்டங்களைப் பெறுவதிலிருந்தும் அவர்கள் கறுப்புப் பட்டியலில் சேர்க்கப்படுவார்கள் என பிரதமர் துறை (சபா மற்றும் சரவாக்) அமைச்சர் டத்தோ முஸ்தபா சக்முட் மக்களவையில் நடந்த கேள்வி பதில் அமர்வின் போது கூறினார்.
மேலும், இத்திட்டங்கள் தேசிய தணிக்கைத் துறையின் தணிக்கைக்கு உட்பட்டவை என்றும், ஏதேனும் முறைகேடுகள் கண்டறியப்பட்டால் மலேசிய ஊழல் தடுப்பு ஆணையத்தால் விசாரிக்கப்படும் என்றும் அவர் குறிப்பிட்டார்.
நல்லாட்சி மற்றும் ஊழல், தவறான நிர்வாகம் ஆகியவற்றில் அரசாங்கம் சகிப்புத்தன்மையற்ற கொள்கையைக் கொண்டுள்ளது," என்று அவர் விளக்கினார்.
