ஷா ஆலம், பிப். 12 – Language Discovery 2026 திட்டத்திற்கு மக்கள் நல்ல வரவேற்பு கொடுத்துள்ளனர். Language Discovery 2026 திட்டத்திற்கான பதிவைத் திறந்த இரண்டு நாட்களில் 900 பேர் மற்றும் 45 வகுப்புகள் பதிவு செய்துள்ளதாக தெரிவிக்கப்பட்டுள்ளது.
இந்தத் திட்டம் பிப்ரவரி 20 ஆம் தேதி தொடங்கவுள்ளதாக திட்டமிடப்பட்டுள்ள நிலையில், சமூகத்தில் உள்ள மக்கள் தொடர்ச்சியான மற்றும் மொழி கற்றலில் மிகுந்த ஆர்வம் கொண்டிருப்பதை இது பிரதிபலிக்கிறது.
இந்த திட்டத்தில் தொடர்ச்சியான மற்றும் முறையான கற்றலை உறுதி செய்வதற்காக, பங்கேற்பாளர்களிடமிருந்து உயர் மட்டப் பங்களிப்பு தேவைப்படுகின்றது என்று சிலாங்கூர் பொது நூலகக் கழகம் (PPAS) வெளியிட்ட அறிக்கையில் தெரிவிக்கப்பட்டுள்ளது.
அதே நேரத்தில், பதிவு செய்த பங்கேற்பாளர்களை விரைவில் தொடர்பு கொண்டு, வகுப்புகள் மற்றும் குறித்த தகவல்கள் பற்றிய மேலதிக விவரங்கள் வழங்கப்படும் என்றும் அறிவிக்கப்பட்டுள்ளது.
மேலும், பொது நூலகக் கழகம் சில முயற்சிகளை முன்னெடுத்து வருகிறது. அதில், ஆசிரியர்களின் எண்ணிக்கையை அதிகரித்தல் மற்றும் இடம் கிடைக்காதவர்களுக்குக் கூடுதல் இடங்களை திறப்பது போன்றவை அடங்கும். புதிய அட்டவணை மற்றும் குழு பிரித்தல் தொடர்பான தகவல்கள் ஒழுங்கமைப்பு முடிந்தவுடன் அதிகாரப்பூர்வ ஊடகங்களில் அறிவிக்கப்படும்.
இதற்கிடையில், பதிவு முறைமை அணுகலில் சில தொழில்நுட்ப சிக்கல்கள் ஏற்பட்டுள்ளன. இது பொதுமக்களுக்கு சிரமத்தை ஏற்படுத்தியுள்ளதாக பொது நூலகக் கழகம் தெரிவித்துள்ளது.
Language Discovery 2026 திட்டம் சமூகத்தில் மொழி கற்றலில் உள்ள அதிக ஆர்வத்தைக் பிரதிபலிப்பதோடு, மேலும் சமூகத்திற்குத் தொடர்ச்சியான நன்மைகளையும் வழங்குகிறது.
