கோலாலம்பூர், அக் 28: போக்குவரத்து அமைச்சகம் வழங்கும் BAS.MY இலவச பேருந்து சேவை முதியவர்கள், பள்ளி மாணவர்கள், பல்கலைக்கழக மாணவர்கள் மற்றும் மாற்றுத்திறனாளிகளுக்கானது. ஆகஸ்ட் மாதம் வரை 49,611 பேர் இந்த சேவையினால் பயன் பெற்றுள்ளனர்.
இந்த பயனர்களில் 78% முதியவர்கள், 13% பள்ளி மாணவர்கள், 6% மாற்றுத்திறனாளிகள் மற்றும் 3% பல்கலைக்கழக மாணவர்கள் ஆவர் என போக்குவரத்து அமைச்சர் அந்தோணி லோக் தெரிவித்தார்.
"ஸ்டாப்-அண்ட்-கோ பேருந்து சேவை உருமாற்றுத் திட்டத்தின் கீழ் மாநிலங்களின் தலைநகர்கள் மற்றும் சுற்றியுள்ள பகுதிகளில், குறிப்பாக கிள்ளான் பள்ளத்தாக்கிற்கு வெளியே BAS.MY சேவை கவனம் செலுத்துகிறது.
இதுவரை, BAS.MY சேவை கங்கர், கோத்தா ஸ்டார், ஈப்போ, சிரம்பான், மலாக்கா, ஜோகூர் பாரு, கோலா திரங்கானு, கோத்தா பாரு மற்றும் கூச்சிங் ஆகிய பகுதிகளில் செயல்படுகிறது.
இந்த சேவை சபா தலைநகர் கோத்தா கினபாலுவிலும் கட்டம் கட்டமாக அறிமுகப்படுத்தப்படுகிறது என்று நாடாளுமன்றத்தில் கேள்வி பதில் அமர்வின் போது அந்தோணி லோக் கூறினார்.
