புத்ராஜெயா, ஏப்ரல் 15 - சீன அதிபர் ஜி ஜின் பிங் அரசு முறைப் பயணமாக மலேசியா வருவதை முன்னிட்டு இன்றும் வியாழக்கிழமையும் KLIA 2 சாலையைப் பயனர்கள் தற்காலிகமாகப் பயன்படுத்த முடியாது என Malaysia Airports Holdings Bhd (MAHB) தெரிவித்தது.
இன்று மாலை 6 முதல் இரவு 7 மணி வரையிலும், பின்னர் ஏப்ரல் 17-ஆம் தேதி காலை 8.50 மணி முதல் 9.50 மணி வரையிலும் லெபோ KLIA, ELITE நெடுஞ்சாலை, Linkaran Putrajaya புத்ராஜெயா-டெங்கில் நெடுஞ்சாலை, பெர்சியாரான் செலாத்தான், லெபோ கெமிலாங், ஜாலான் P5 ஆகியச் சாலைகள் முழுமையாக மூடப்படவுள்ளது.
எனவே, தாமதத்தைத் தவிர்க்க விமான நிலையத்திற்குச் செல்வது அல்லது வெளியேறுவது குறித்து, பயணிகள் முன் கூட்டியே திட்டமிட்டுக் கொள்ள வேண்டும் என MAHB கேட்டுக் கொண்டது.
மேலும், வாகனமோட்டிகளுக்கு மாற்றுப் பாதைகளும் பரிந்துரைக்கப்பட்டுள்ளது.
சீன அதிபரின் வருகையின் போது பாதுகாப்புப் பணிகள் அனைத்தும் சுமூகமாக நடைபெறுவதை உறுதிச் செய்ய வாகனமோட்டிகள் உள்ளிட்ட தரப்பினரின் ஒத்துழைப்பை நாடுவதாக MAHB தெரிவித்தது.
