கிங்டாவ், பிப் 13 - சீனா, கிங்டாவில் நடைபெறும் பிஏம்டிசி (BAMTC) எனும் ஆசிய கலப்பு அணி பூப்பந்து போட்டியில் பி குழுவில் இடம் பெற்றிருக்கும் மலேசியா, 2-3 என்று முதல் ஆட்டத்தில் ஹோங் கோங்கிடம் தோல்வி கண்டுள்ளது.
முதல் ஆட்டத்தில் களமிறங்கிய நாட்டின் கலப்பு இரட்டையர்களான ஹோ பாங் ரோன் - செங் சு யின் ஜோடி, ஹோங் கோங்கின் தாங் சுன் மன் -ங் சி யாவ் இணையரிடம் 21-17, 17-21, 11-21 என்ற நிலையில் தோல்வி கண்டது.
அதனைத் தொடர்ந்து விளையாடிய நாட்டின் மகளிர் ஒற்றையர் பிரிவு ஆட்டக்காரர் கே.லெட்சனா 21-18 மற்றும் 21-18 என்று சலோனி சமிர்பாய் மேத்தாவை நேரடி செட்களில் வீழ்த்தி வெற்றி பெற்றார்.
ஆடவர் ஒற்றையர் பிரிவில் விளையாடிய ஜஸ்டின் ஹோ 19-21, 16-21 எனும் நேரடி செட்களில் லீ செக் யூவிடம் தோல்வியடைந்தார்.
மகளிர் இரட்டையர் பிரிவில், மலேசியாவை மீண்டும் சமன் செய்ய முயற்சித்த கோ பெய் கீ - தியோ மெய் சிங் இணையரின் ஆசை நிறைவேறாமல் போனது.
அந்த இணை 17-21, 14-21 என்று நேரடி செட்களில் தோல்வி அடைந்தது.
இறுதியாக, ஆடவர் இரட்டையர் பிரிவில், மான் வெய் சொங் - தீ காய் வுன் ஜோடியின் வழி மலேசியா வெற்றி பெற்றாலும், 2-3 எனும் புள்ளிகளோடு தற்போது பி பட்டியலில் மூன்றாம் இடத்தில் உள்ளது.
முதல் இரண்டு இடங்களைப் பிடிக்கும் அணிகள் மட்டுமே காலிறுதிக்கு முன்னேறும் வாய்ப்பைப் பெறுகின்றன.
