புக்கிட் ஜாலில், ஜன 10 - மலேசியப் பொதுப் பூப்பந்து போட்டியின் காலிறுதி சுற்றுக்கு, நாட்டின் கலப்பு இரட்டையரான சென் தாங் ஜீ - தோ ஈ வெய் தேர்வாகினர்.
நேற்று நடைபெற்ற ஆட்டத்தில், தைவான் விளையாட்டாளர்களுடன் அவர்கள் களமிறங்கினர்.
தைவானின் லு மிங் செ-ஹுங் என் ஹூவுடன் நடைபெற்ற ஆட்டம் தாங் ஜீ - ஈ வெய் ஜோடிக்கு மிக எளிதாக அமைந்தது.
21-8, 21-14 என்ற நேரடி செட் கணக்கில் தைவான் விளையாட்டாளர்களை அவர்கள் தோற்கடித்தனர்.
இவ்வாட்டத்தில் வெற்றி பெற உலகின் ஐந்தாவது தர வரிசையில் உள்ள தாங் ஜீ - ஈ வெய் ஜோடிக்கு 30 நிமிடங்கள் மட்டுமே தேவைப்பட்டது.
இன்று நடைபெறும் காலிறுதி ஆட்டத்தில் அவர்கள் ஜப்பானின் ஹிரோகி மிடொரிகாவா-நட்சூ சைத்தோ ஜோடியை களத்தில் சந்திக்கவுள்ளனர்.
-- பெர்னாமா
