புத்ராஜெயா, ஜன 10 – Kemas எனப்படும் சமூக மேம்பாட்டுத் துறை நடத்தி வரும் Tabika Kemas பாலர் பள்ளிகளை, இவ்வாண்டு ஆட்டிசம் குறைபாடுள்ள குழந்தைகளுக்கும் விரிவுபடுத்த அரசாங்கம் முடிவு செய்துள்ளது.
கல்வி வாய்ப்புகளில், சிறப்பு கவனிப்புத் தேவைப்படும் குழந்தைகளையும் அரவணைத்துச் செல்லும் Kemas-சின் நோக்கத்திற்கு ஏற்ப இத்திட்டம் அமைவதாக துணைப் பிரதமர் டத்தோ ஸ்ரீ அஹ்மாட் சாஹிட் ஹமிடி தெரிவித்தார்.
இவ்வாண்டு தொடக்கக் கட்டமாக மலாக்காவில் அந்த Tabika Autistik பாலர் பள்ளி செயல்படத் தொடங்கும்.
இதன் வழி நாட்டிலேயே ஆட்டிசம் குழந்தைகளுக்கு அரசாங்கம் நடத்தும் முதல் பாலர் பள்ளியாக அது விளங்கும்.
பிறகு நாடு முழுவதும் அது விரிவுப்படுத்தப்பட வேண்டும் என்பதே தமது விருப்பமென, புறநகர் மற்றும் வட்டார மேம்பாட்டு அமைச்சருமான அவர் சொன்னார்.
இனிவரும் காலங்களில் ஆக்கப்பூர்வமான அடைவுநிலையைப் பதிவுச் செய்ய நோக்கம் கொண்டுள்ள kemas-சின் 5 முன்னெடுப்புகளில் இதுவும் ஒன்று என அவர் சொன்னார்.
