பண்டார் பெர்மைசூரி, நவ 25: இன்று காலை கம்போங் சுங்கை லேரேக், ஜாலான் பெர்செகுத்துவான் கோலா திரங்கானு - கோத்தா பாரு கிலோமீட்டர் 5 இல் நான்கு சக்கர வாகனமும் பெரோடுவா ஆக்ஸியா காரும் சம்பந்தப்பட்ட விபத்தில் மூன்று பேர் இறந்தனர் மற்றும் மற்றொருவர் படுகாயமடைந்தார்.
அதிகாலை 4.50 மணியளவில் நடந்த இந்த விபத்தில் கணவன்-மனைவி கமருடின் இப்ராஹிம் (55), மைமுனா மாட் இசா (54) மற்றும் அவர்களது மகள் நூர் அர்டியானா கமருடின் (30)ஆகியோர் உயிரிழந்தனர் என செத்தியு மாவட்ட காவல் துறைத் தலைவர் சுப்ரிட்டெண் முகமட் சைன் மாட் ட்ரிஸ் தெரிவித்தார்.
"மைமூனா மற்றும் நூர் அர்டியானா சம்பவ இடத்திலேயே இறந்தனர், கமருடின் செத்தியு மருத்துவமனையில் சிகிச்சை பெற்று வந்த நிலையில் இறந்தது உறுதி செய்யப்பட்டது.
"சம்பந்தப்பட்ட தம்பதியினரின் மற்றொரு மகள், இடது பின்புற பயணி இருக்கையில் அமர்ந்திருந்த நூர் அஸ்வா ஷமிமி கமருடின் (21), பலத்த காயமடைந்தார். மேலும் தோயோத்தா ஹைலக்ஸ் ஓட்டுநரும் பயணியும் லேசான காயமடைந்தனர்," என்று அவர் அறிக்கை ஒன்றின் மூலம் தெரிவித்தார்.
தோயோட்டா ஹிலக்ஸ் வாகனம் கட்டுப்பாட்டை இழந்து எதிர் பாதையில் நுழைந்து நிலையில் அங்கு சென்று கொண்டிருந்த கார் மீது மோதியதில் விபத்து ஏற்பட்டதாக முதல் கட்ட விசாரணையில் தெரிய வந்தது.
"இறந்தவர்களின் உடல்கள் செத்யூ மருத்துவமனையின் தடயவியல் பிரிவில் பிரேதப் பரிசோதனைக்கு அனுப்பப்பட்டன. காயமடைந்த நபரும் அதே மருத்துவமனைக்கு அனுப்பப்பட்டார்," என்று அவர் கூறினார்.
காய்கறி விற்பனையாளராக இருக்கும் 24 வயதான தோயோட்டா ஹைலக்ஸ் ஓட்டுநர், மேல் விசாரணைக்காக தடுத்து வைக்கப்பட்டுள்ளார். மேலும், சாலை போக்குவரத்து சட்டம் 1987 இன் பிரிவு 41(1) இன் கீழ் வழக்கு விசாரிக்கப்பட்டது என்று முகமட் சைன் தெரிவித்தார்.
– பெர்னாமா
