கோலாலம்பூர், செப்.29 - கூட்டாட்சிப் பகுதிகளில் உள்ள உணவு வளாகங்களின் உரிமையாளர்கள், தங்கள் வளாகங்களின் தூய்மையைப் பராமரிக்கத் தவறினால், வணிக உரிமங்களை இழக்க நேரிடும்.
அவர்களின் உரிமங்கள் புதுப்பிக்கப்படாது என்று பிரதமர் துறை அமைச்சர் (கூட்டாட்சிப் பகுதிகள்) டாக்டர் ஜாலிஹா முஸ்தபா தெரிவித்தார்.
நகரத்தில் உள்ள வளாகங்களை, குறிப்பாக உணவு வளாகங்களைத் தூய்மைப்படுத்தும் நடவடிக்கைகளை செயல்படுத்துமாறு கோலாலம்பூர் மேயரை (டத்தோஸ்ரீ மைமுனா முகமட் ஷெரீப்) அறிவுறுத்தியதாக இரண்டு நாட்களுக்கு முன்பு கூட்டரசுப் பிரதேசத் துறையின் முகமைத் தலைவர்களின் கூட்டத்தின் போது அவர் கூறினார். .
இந்த ஆண்டு ஜூலை மாத நிலவரப்படி, தலைநகரில் உள்ள 417 உணவு வளாகங்கள் நிர்ணயிக்கப்பட்ட தூய்மையான தரத்தை பூர்த்தி செய்யாததால் மூட உத்தரவிடப்பட்டுள்ளது.
`மெகா க்ளீனப்` திட்டம் குறித்து கருத்து தெரிவித்த அவர், குறிப்பாக ஆசியான் 2025 தலைவர் மற்றும் 2026 விசிட் மலேசியா ஆண்டிற்கு மலேசியா தலைமை ஏற்பதற்கு முன்னதாக, நாடு தூய்மையாக இருப்பதை உறுதி செய்வது முக்கியம் என்றார்.
"இது மலேசியாவிற்கு அதிகமான சுற்றுலாப் பயணிகளைப் பெறுவதற்கான எங்களின் முன் ஏற்பாடுகளின் ஒரு பகுதியாகும். நமது நகரத்தின் தூய்மையும் அழகும், குறிப்பாக நாட்டின் முக்கிய நுழைவாயிலாக விளங்கும் கோலாலம்பூர் நம் நாட்டை பிரதிபலிக்கும்,” என்று டாக்டர் ஜாலிஹா கூறினார்.
- பெர்னாமா
