புத்ராஜெயா, செப் 14: இன்று தொடங்கி மலேசிய விவசாயம், தோட்டக்கலை மற்றும் வேளாண் சுற்றுலா கண்காட்சி (மஹா) 2024 க்கு வருபவர்களுக்கு பார்க்கிங் இலவசம் ஆகும்.
இதை வேளாண் மற்றும் உணவு பாதுகாப்பு அமைச்சர் டத்தோஸ்ரீ முகமட் சாபு இன்று காலை தனது முகநூல் பக்கத்தில் பதிவிட்டுள்ளார்.
பார்வையாளர் நுழைவு செயல்முறையை விரைவுபடுத்துவதும், நுழைவாயிலில் போக்குவரத்து நெரிசலை குறைக்கவும் இந்த நடவடிக்கை எடுக்கப்பட்டுள்ளது. இந்த கண்காட்சி செர்டாங்கில் கடந்த புதன்கிழமை தொடங்கி செப்டம்பர் 22 வரை நடைபெறும்.
மேலும், பள்ளி விடுமுறை என்பதால் அதிக மக்கள் வருவார்கள் என்ற எதிர்பார்ப்பையும் கருத்தில் கொண்டு இந்த முடிவு எடுக்கப்பட்டுள்ளது.
இதற்கு முன் RM5 பார்க்கிங் கட்டணம் வசூலிக்கப்பட்டது குறிப்பிடத்தக்கது.
– பெர்னாமா
