மூவார், ஆகஸ்ட் 1 - இந்த ஆண்டு நாடு முழுவதும் உள்ள சாலைப் போக்குவரத்துத் துறையின் 2,000க்கும் மேற்பட்ட அமலாக்கப் பணியாளர்களுக்கு RM2.5 மில்லியனை கூடுதல் நேரக் கொடுப்பனவாக போக்குவரத்து அமைச்சகம் ஒதுக்கீடு செய்துள்ளது.
அமலாக்க நடவடிக்கைகளை சுமூகமாக நடத்துவதை உறுதி செய்வதற்காக, மற்ற அரசு நிறுவனங்களுடன் ஒருங்கிணைந்த செயல்பாடுகள் உட்பட, தங்கள் வேலை நேரத்திற்கு வெளியே பணிபுரியும் பணியாளர்களுக்கு இந்த கொடுப்பனவு வழங்கப்படும் என்று அதன் அமைச்சர் அந்தோணி லோக் கூறினார்.
தகுதியான ஜேபிஜே பணியாளர்களுக்கு விரைவில் இந்த உதவித்தொகை வழங்கப்படும் என்றார்.
“இது அமலாக்கப் பணியாளர்களுக்கானது. சில நேரங்களில், அமலாக்க நடவடிக்கைகள் அலுவலக நேரத்திற்கு வெளியே நடத்தப்படுகின்றன, இதனால், இரவு வரை கூடுதல் மணிநேரம் வேலை செய்ய வேண்டும்.
"அவர்களின் நேரத்தை தியாகம் செய்யும்படி நாங்கள் கேட்டுக்கொள்கிறோம். பணியாளர்களாக, அவர்கள் இந்த கூடுதல் கொடுப்பனவைப் பெற தகுதியானவர்கள்," என்று லோக் இன்று புதிய மூவார் ஜேபிஜே கட்டிடத்தை திறந்து வைத்த பின்னர் செய்தியாளர்களிடம் கூறினார்.
- பெர்னாமா
