கோலாலம்பூர், ஜூலை 11: கடந்த மே மாத நிலவரப்படி ``மைமோல்`` தளத்தில் மொத்தம் 2,345 வர்த்தகர்கள் பதிவு செய்துள்ளனர். இதில் 1,979 தயாரிப்புகள் சந்தைப் படுத்தப்பட்டு 8.8 மில்லியன் ரிங்கிட் விற்பனையாகும் என்று துணை தொழில் முனைவோர் மேம்பாடு மற்றும் கூட்டுறவு அமைச்சர் டத்தோ ஆர். ரமணன் தெரிவித்தார்.
மைக்ரோ, சிறு மற்றும் நடுத்தர நிறுவனங்கள் (PMKS) மற்றும் உள்ளூர் கூட்டுறவு நிறுவனங்களுக்கு இலவச இணைய வர்த்தக தளத்தை வழங்குவதன் மூலம் உள்ளூர் டிஜிட்டல் தொழில் முனைவோர் சுற்றுச்சூழல் அமைப்பை மேம்படுத்தும் நோக்கத்திற்காக ஏப்ரல் 2022இல் தொழில் முனைவோர் மற்றும் கூட்டுறவு மேம்பாட்டு அமைச்சகத்தால் (KUSKOP) ``மைமால்`` தளம் அறிமுகப்படுத்தப்பட்டது என்றார்.
``மைமால்`` மின் வணிகத் தளமாகச் செயல்படுவதோடு பதிவு செய்யப்பட்ட வர்த்தகர்களுக்கு வணிகக் கருவிகள், தொழில் முனைவோர் பயிற்சி மற்றும் வணிக நிதியுதவியைப் பெறுவதற்கான வாய்ப்பும் வழங்கும் என்றும் ரமணன் கூறினார்.
"KUSKOP இன் நீண்டகால விருப்பம், இந்த தளத்தை தொழில் முனைவோர் மற்றும் சாத்தியமான தொழில் முனைவோர் திட்டங்கள் மற்றும் தொழில் முனைவோர் உதவி பற்றிய தகவல்களைப் பெறுவதற்கான தகவல் மையமாகப் பயன்படுத்த வேண்டும்" என்று அவர் கூறினார்.
மக்களவையில் ஆடிட்டர் ஜெனரலின் அறிக்கை தொடர் 2 2024 மீதான விவாதத்தை நிறைவு செய்யும் போது அவர் இவ்வாறு கூறினார்.
– பெர்னாமா
