ஷா ஆலம், ஜூலை 3: கடந்த ஆண்டு நாட்டின் மொத்த உள்நாட்டு உற்பத்தியில் (
கே.டி.என்.கே.) சிலாங்கூரின் பங்களிப்பு 25.9 சதவீதம் அதிகரித்திருப்பது மாநில நிர்வாகம்
சரியான பாதையில் செல்கிறது என்பதை நிரூபிக்கிறது.
ஒற்றுமை அரசாங்கத்தின் நடவடிக்கைகளும் முயற்சிகளும் சிலாங்கூரை புகழின்
உச்சிக்குக் கொண்டு வரத் தொடரும் என்று டத்தோ மந்திரி புசார் டத்தோஸ்ரீ அமிருடின்
ஷாரி கூறினார்.
.
RM400 பில்லியனை எட்டிய பொருளாதார நடவடிக்கைகளின் மதிப்பு மற்றும் அவற்றின்
அளவு ஆகியவை சிலாங்கூர் ஒற்றுமை அரசாங்கம் சரியான பாதையில் செல்கிறது
என்பதற்குச் சான்றாகும்.
சிலாங்கூர் தொடர் வெற்றியைப் பதிவு செய்து வருகிறது. அனைத்துக் கட்சிகளின் கடின
உழைப்பாலும், மாநில அரசின் முயற்சியாலும் இது நடந்துள்ளது.
நாட்டின் பொருளாதார வளர்ச்சியில் சிலாங்கூர் தொடர்ந்து முன்னணியில் இருக்கும்
போது எங்களுக்கு நல்ல செய்தி கிடைக்கிறது என்று அவர் முகநூல் மூலம் தெரிவித்தார்.
இந்த வெற்றிக்காக அரசு ஊழியர்கள், தனியார் துறையினர், வணிக சமூகம் மற்றும்
சிலாங்கூர் மக்களுக்கும் அவர் தனது பாராட்டுகளைத் தெரிவித்தார்.
நாங்கள் தொடர்ந்து கடினமாக உழைப்போம், அதனால் சிலாங்கூர் இன்னும் சக்தி
வாய்ந்ததாகத் தொடர்ந்து முன்னேறும் என்று அவர் கூறினார்.
