ஜோகூர், மே 7: எதிர்வரும் வெள்ளிக்கிழமை, இஸ்கண்டார் புத்ரியில் உள்ள சுல்தான் இப்ராஹிம் அரங்கத்தில் நடைபெறவுள்ள சும்பாங்சேக் போட்டியில் பாதுகாப்பை உறுதிப்படுத்த மொத்தம் 1,500 அதிகாரிகள் மற்றும் காவல்துறையினர் நியமிக்கப்பட்டனர்.
இப்போட்டி முழுவதும் தனது தரப்பு மிக உயர்ந்த அளவில் பாதுகாப்பை உறுதி செய்யும் என ஜோகூர் காவல்துறை தலைவர் சிபி எம். குமார் கூறினார்.
"நாங்கள் பாதுகாப்பில் சமரசம் செய்து கொள்ள மாட்டோம் மற்றும் பாதுகாப்பு கட்டுப்பாடு மிக உயர்ந்த மட்டத்தில் இருக்கும்.
மர்காஸ் காவல்துறை படைத் தலைமையகத்தில் (பிபிஎம்) மண்டலம் இரண்டில் இன்று நடைபெற்ற செய்தியாளர் சந்திப்பில், “அரங்கத்தில் போட்டியைப் பார்க்க விரும்பும் மக்கள் கவலையின்றி செல்லலாம்,” என்று அவர் கூறினார்.
மேலும், பணியில் இருக்கும் அதிகாரிகள் மற்றும் காவல்துறையினரின் அனைத்து அறிவுரைகளையும் பொதுமக்கள் கேட்டு நடந்து கொள்ள வேண்டும் என்றும் அவர் அறிவுறுத்தினார்.
சுல்தான் ஹாஜி அஹ்மட் ஷா கோப்பையை வெல்வதற்கான 2024/2025 தவணைக்கான இப்போட்டியில் 2023 சூப்பர் லீக் வெற்றியாளரான ஜோகூர் டாருல் தாசிம் (ஜேடிடி) மற்றும் இரண்டாம் நிலை பெற்ற சிலாங்கூர் எஃப்சி அணிகள் பங்கேற்கும்.
– பெர்னாமா
