குவாந்தன், மார்ச் 13: இந்த ஆண்டு தொடக்கத்தில் தனியார் மருத்துவ மையத்தின் பிசியோதெரபி ஒருவர் சமூக ஊடகம் மூலம் இல்லாத முதலீட்டுத் திட்டத்தால் ஏமாற்றப்பட்டு RM234,000க்கும் அதிகமாக இழந்துள்ளார்.
ஜனவரி 13 ஆம் தேதி, 25 வயதான பெண் முகநூல் பக்கத்தைப் பார்வையிட்டதாகவும், 'பைபிட்' செயலி மூலம் இலாபகரமானதா கக் கூறப்படும் முதலீட்டில் பங்கேற்க ஆர்வமாக இருந்ததாகவும் பகாங் காவல்துறைத் தலைவர் டத்தோஸ்ரீ யஹாயா ஓத்மான் அறிக்கை ஒன்றில் தெரிவித்தார்.
பாதிக்கப்பட்ட நபர் ஜனவரி 15 முதல் மார்ச் 2 வரை சந்தேக நபரால் வழங்கப்பட்ட வங்கிக் கணக்கில் மொத்தம் ரிங்கிட் 234,000 மதிப்புமிக்க 11 பரிவர்த்தனைகளைச் செய்ததாக அவர் கூறினார்.
“பாதிக்கப்பட்டவர், தனக்குத் தெரிந்தவர்களிடமும், வங்கியிலும் கடன் வாங்கியதுடன் சேமிப்பையும் பயன்படுத்தி முதலீடு செய்துள்ளார்.
நேற்று குவாந்தான் மாவட்ட காவல்துறை தலைமையகத்தில் பாதிக்கப்பட்டவர் புகார் அளித்ததாகவும், மோசடி செய்ததற்காக குற்றவியல் சட்டத்தின் 420வது பிரிவின் கீழ் வழக்கு விசாரிக்கப் பட்டதாகவும் அவர் கூறினார்.
