தைப்பூசத்தை சுமூகமாக   கொண்டாட மத நல்லிணக்கமும், ஒற்றுமையும் முக்கியம் - மந்திரி புசார்  வலியுறுத்து

செலாயாங், ஜன. 25 - சிலாங்கூரில் மத நிகழ்வுகளின் பாதுகாப்பான மற்றும் இணக்கமான கொண்டாட்டத்தை உறுதி செய்வதற்கான தனது உறுதிப்பாட்டை மந்திரி புசார் டத்தோஸ்ரீ அமிருடின் ஷாரி மீண்டும் உறுதிப்படுத்தியுள்ளார், குறிப்பாக பத்துமலை தைப்பூசத்தின் பிரமாண்டமான கொண்டாட்டங்களை எடுத்துக்காட்டினார்.

நேற்றிரவு ஸ்ரீ சுப்பிரமணியர் சுவாமி கோவிலில் நடைபெற்ற மாநில அளவிலான தைப்பூச விழாவின் போது  உரையாற்றிய அவர், மாநிலத்தின் பல்வேறு சமூகங்களின் வகுப்புவாத உறவுகளை வலுப்படுத்துவதில் மரியாதை மற்றும் புரிதலின் முக்கியத்துவத்தையும் வலியுறுத்தினார்.

“உலகளவில் பக்தர்கள் மற்றும் சுற்றுலா பயணிகளை ஈர்க்கும் வகையில், அதிகம் பார்வையிடப்பட்ட தலங்களில் ஒன்றாக இந்தக் கோயில் உள்ளது. சிலாங்கூர் மக்கள் பொருளாதாரத்தில் பங்கு பெறுவதற்கு, பரஸ்பர மரியாதையுடனும் புரிந்துணர்வுடனும் எந்தவித இடையூறும் இன்றி அவர்களின் நம்பிக்கையை பின்பற்றுவதற்கான சுதந்திரத்தை உறுதி செய்வதே எங்கள் மாநில அரசின் அர்ப்பணிப்பாகும்.

[caption id="attachment_500401" align="aligncenter" width="500"] மாநில அரசிடமிருந்து  இவ்வாண்டுக்கான  மானியத்தை பெற்றுக்கொண்ட  47 கோவில்கள் Dato’ Menteri Besar Dato’ Seri Amirudin Shari menyerahkan bantuan peruntukan rumah ibadah bukan islam (kuil) kepada penerima ketika majlis sambutan Thaipusam peringkat Selangor 2024 di Kuil Sri Subramaniar, Batu Caves pada 24 Januari 2024.[/caption]

2008-ல் நான் இத்தொகுதிக்கு  தேர்ந்தெடுக்க பட்டதிலிருந்து இத்தொகுதியில் உள்ள பத்து மலை கோவிலுக்கு  லட்சக்கணக்கான இந்து பக்தர்கள் எளிதாக  வருவதை நாங்கள் உறுதி செய்துள்ளோம்.

"இங்கு  நடைபெறும் கொண்டாட்டங்கள் வெற்றி அடைவதையும், எந்தச் சிக்கலும் இன்றி தொடர்வதையும்  உறுதி செய்ய அனைத்து உள்ளூர் அதிகாரிகள், அமலாக்க முகவர் மற்றும் மாநில அதிகாரிகளை நெருக்கமாக பணியாற்றுமாறு நான் தொடர்ந்து கேட்டுக்கொள்கிறேன்," என்று அவர் கூறினார்.

அமிருடின் தீவிர அடையாள அரசியலையும் விமர்சித்தார், ஒவ்வொரு சமூகத்தின் தனித்துவமும் சிலாங்கூர் வலிமைக்கு பங்களிக்கிறது, ஒற்றுமை மற்றும் சகவாழ்வை வளர்க்கிறது என்று கூறினார்.

2008 ஆம் ஆண்டு முதல் ஏழைகளுக்கு உதவுவதற்காக முன் முயற்சிகளை வலியுறுத்தி, அவர்களின் வாழ்க்கைத் தரத்தை மேம்படுத்துவதற்கான முயற்சிகளை வலியுறுத்தி வருவது, மாநில அரசின் வெற்றிகரமான ஒரு கூட்டு முயற்சியின் விளைவாகும் என்று அவர் மேலும் கூறினார்.

இந்த நிகழ்வின் போது, மனித வளம் மற்றும் வறுமை ஒழிப்புக்கான மாநில செயற்குழு உறுப்பினர் வி. பாப்பா ராய்டு, சிலாங்கூரில் உள்ள 47 கோவில்களுக்கு ரிம 537,000 மானியம் வழங்கியது குறித்து  அறிவித்தார்.