புத்ராஜெயா, ஜன 19: இந்த மார்ச் மாதம் தொடங்கும் 2024/2025 பள்ளி அமர்வின் போதும், மாணவர்கள் பள்ளிக்கு விளையாட்டு ஆடைகளை அணிவது மீதான தளர்வு தொடரும் என்று கல்வி அமைச்சர் ஃபத்லினா சிடெக் தெரிவித்தார்.
கல்வியாளர்கள் மற்றும் பெற்றோர்கள் உட்பட சம்பந்தப்பட்ட அனைத்து தரப்பினருடனும் நடைபெற்ற அமர்வின் அடிப்படையில் இந்த முடிவு எடுக்கப்பட்டதாக அவர் கூறினார்.
விளையாட்டு உடை பயன்பாட்டில் தளர்வு நீட்டிப்பு தொடர்பான சுற்றறிக்கை மற்றும் கூடுதல் தகவல்கள் எதிர்காலத்தில் அனைத்து பள்ளிகளுக்கும் விநியோகிக்க மாநில கல்வித் துறைக்கு வழங்கப்படும் என்று ஃபத்லினா கூறினார்.
"பள்ளிகளில் விளையாட்டு உடைகள் தொடரும் என்று கல்வி அமைச்சகம் முடிவு செய்துள்ளது அதாவது இரண்டு நாட்கள் பள்ளி சீருடைகள், இரண்டு நாட்கள் விளையாட்டு உடைகள் மற்றும் ஒரு நாள் இணை பாடத்திட்ட உடைகள்" என்று அவர் இன்று கல்வி துறையின் புத்தாண்டு 2024 ஆணைக்குழுவில் பேசும்போது கூறினார். .
பெற்றோர்களின் சுமையை எளிதாக்குவதற்கும், பிள்ளைகளைப் பள்ளிக்கு முன்னதாகவே தயார் செய்வதற்கு இந்த முடிவு எடுக்கப்பட்டது என்றார்.
அதன்பிறகு நடந்த செய்தியாளர் சந்திப்பில், பள்ளி சீருடைகள் மற்றும் விளையாட்டு உடைகளை அணியும் நாட்களை தீர்மானிக்கும் சுதந்திரம் பள்ளிகளுக்கு வழங்கப்பட்டுள்ளதாக ஃபத்லினா கூறினார்.
– பெர்னாமா
