கோலாலம்பூர், டிச. 30 - நள்ளிரவு 12 மணிக்கு 16,919 பேர் இருந்தது இன்று காலை நான்கு மாநிலங்களில் பெரிதாக மாறவில்லை, 16,205 பேர் இன்னும் 71 தற்காலிக நிவாரண மையங்களில் (பிபிஎஸ்) உள்ளனர்.
தேசிய பேரிடர் மேலாண்மை முகமையின் (நட்மா) தேசிய பேரிடர் கட்டளை மையத்தால் வெளியிடப்பட்ட சமீபத்திய அறிக்கையின்படி, நான்கு மாவட்டங்களில் 42 பிபிஎஸ்ஸில் 15,190 பேர் வெளியேற்றப்பட்டவர்களைக் கொண்டு கிளந்தான் உள்ளது.
11,093 பேர்களை கொண்டு , பாசிர் மாஸில் 26 தற்காலிக நிவாரண மையங்கள் (பிபிஎஸ்) திறக்கப்பட்டுள்ளது. கோலா கிராயில் நான்கு PPS (90 பேர், 21 குடும்பங்கள்); தும்பாட்டில் 10 PPS தற்காலிக நிவாரண மையங்கள் (3,311 பேர், 1,174 குடும்பங்கள்); காலை 6 மணி நிலவரப்படி 190 குடும்பங்களைச் சேர்ந்த 696 பேர் ஜெலியில் இரண்டு தற்காலிக நிவாரண மையங்கள் (பிபிஎஸ்ஸில்) இருந்தனர்.
திரங்கானுவில், டுங்குன், கோலா திரங்கானு மற்றும் மாராங் ஆகிய இடங்களில் 20 தற்காலிக நிவாரண மையங்களில் (பிபிஎஸ்ஸில்) வெளியேற்றப் பட்டவர்களின் எண்ணிக்கை நள்ளிரவில் 862 ஆக இருந்து இன்று காலை 732 ஆகக் குறைந்தது.
ஜோகூரில், சிகாமாட்டில் இரண்டு பிபிஎஸ்ஸில் 15 குடும்பங்களைச் சேர்ந்த 55 பேர்களுடன் வெளியேற்றப்பட்டவர்களின் எண்ணிக்கை மாறாமல் இருந்தது.
பஹாங்கில், பிரா, மாறன் மற்றும் தெமர்லோ ஆகிய இடங்களில் உள்ள ஆறு பிபிஎஸ்ஸில் வெளியேற்றப் பட்டவர்களின் எண்ணிக்கை இன்று காலை சற்று அதிகரித்தது, 39 குடும்பங்களைச் சேர்ந்த 138 பேர், நேற்று இரவு 120 ஆக இருந்தது.
கேமரன்மலையில் நிலச்சரிவு சம்பவத்தின் காரணமாக அமைக்கப்பட்ட தற்காலிக நிவாரண மையங்களில் பாதிக்கப்பட்டவர்களின் எண்ணிக்கை 17 குடும்பங்களைச் சேர்ந்த 87 பேராக மாறாமல் உள்ளது.
இதற்கிடையில், கிளந்தானில் உள்ள சுங்கை கோலோக் பாசீர் மாஸ், சுங்கை கோலோக் தானா மேரா, சுங்கை கிளந்தன் கோத்தா பாரு, சுங்கை கிளந்தான் ஜெல்லி மற்றும் சுங்கை கிளந்தான் குவா மூசாங் ஆகிய ஐந்து ஆறுகளின் அளவுகள் அபாய கட்டத்தில் இருந்தன.
கோலா திரங்கானு வில் உள்ள சுங்கை திரங்கானுவும் காலை 6 மணி நிலவரப்படி ஆபத்தான நிலையில் இருந்தது.
வெள்ளம் மற்றும் நிலச்சரிவு காரணமாக 52 சாலைகள் மூடப்பட்டுள்ளன.
ஜாலான் ஜபி-புக்கிட் தெம்பூருங், ஜோகூரில் உள்ள சிகாமாட், ஜாலான் ஜெலி-டாபோங் (கிளாந்தன்), ஜாலான் புக்கிட் பிசி-டுங்குன் (திரங்கானு), மற்றும் பஹாங்கில் உள்ள ஜாலான் கோலாலம்பூர்-பெந்தோங் (ஜாலான் லாமா பெந்தோங்) ஆகியவை அடங்கும்.
