கோலா திரங்கானு, டிச. 28 - நேற்று மதியம் சுங்கை தோக் ஹக்கீம், கம்போங் தோக் ஹக்கீமில் தனது தம்பி மற்றும் நண்பருடன் குளித்து கொண்டிருந்த போது நீரில் மூழ்கி காணாமல் போன 11 வயது சிறுவனை தேடும் பணி இன்று காலை மீண்டும் தொடரப்பட்டது. நள்ளிரவில் வெளிச்சம் இல்லாததால் மீட்பு பணி கைவிடப்பட்டது.
இன்று காலை 7 மணிக்கு முகமட் ஹராஸ் இல்மான் முகமட் சியாஹ்ரில் ரெதுவானைக் கண்டுபிடிக்கும் நடவடிக்கை தொடரும் என்று கோலா திரங்கானு தீயணைப்பு மற்றும் மீட்பு நிலையத் தலைவர் ரோசிசா அப்னி ஹஜார் தெரிவித்தார்.
இருள் மற்றும் வலுவான நீரோட்டம் காரணமாக மாநில தீயணைப்பு மற்றும் மீட்புத் துறையின் பணியாளர்களை உள்ளடக்கிய மீட்பு நடவடிக்கை நிறுத்தப்பட்டது என்று அவர் கூறினார்.
“பாதிக்கப்பட்ட சிறுவன் நீரில் மூழ்கியதாக நம்பப்படும் இடத்திலிருந்து 500 மீட்டர் சுற்றளவில் படகுகள் மூலம் தேடும் பணி இப்போது மேற்பரப்பில் கவனம் செலுத்தியுள்ளது. நாளை டைவர்ஸ் தேடுதல் பணியை தொடர்வார்கள்.
மலேசியாவின் தீயணைப்பு மற்றும் மீட்புத் துறை, ரிசர்வ் தீயணைப்புப் படை (பிபிஎஸ்), காவல்துறை, மருத்துவ அதிகாரிகள் மற்றும் ரெலா உறுப்பினர்கள் உள்ளிட்ட பல்வேறு நிறுவனங்களைச் சேர்ந்த 82 அதிகாரிகள் தேடுதல் மற்றும் மீட்புப் பணியில் ஈடுபட்டுள்ளதாக ரோசிசா கூறினார்.
- பெர்னாமா
