ஷா ஆலம், டிச.19: கோவிட்-19 சம்பவங்கள் தற்போது அதிகரித்து வந்தாலும், நடமாட்டக் கட்டுப்பாட்டு ஆணையை (எம்சிஓ) அரசாங்கம் அமல் படுத்தாது என்று சுகாதார அமைச்சர் கூறினார்.
மலேசிய சுகாதார அமைச்சகம் (KKM) கோவிட்-19 மேலாண்மைத் திட்டத்தின் கீழ் தொற்று நோயைச் சமாளிக்க ஐந்து உத்திகளைச் செயல்படுத்தும் என டத்தோஸ்ரீ டாக்டர் டுல்கேப்ளி அஹ்மட் கூறினார்.
"எனவே, சுகாதார அமைச்சகம் அதிகரித்து வரும் கோவிட்-19 சம்பவங்களை எதிர்கொள்ளும் வகையில், எச்சரிக்கை அமைப்பு மூலம் முன்கூட்டியே கண்டறிதல் போன்ற ஐந்து தயார்நிலை உத்திகளை நிறுவியுள்ளது," என்று அவர் சிறப்பு செய்தியாளர் கூட்டத்தில் கூறினார். .
ஐந்து உத்திகளில் கோவிட்-19 சம்பவங்கள் மற்றும் SARS-CoV-2 வகைகளை முன்கூட்டியே கண்டறிதல் மற்றும் TRIIS (ஆய்வு, அறிக்கை, தனிமைப்படுத்துதல், தகவல், சிகிச்சை) நடைமுறையின் மூலம் சமூக அதிகாரத்தைச் செயல்படுத்துதல் ஆகியவை அடங்கும்.
"மூன்றாவது உத்தி குறிப்பாக அதிக ஆபத்துள்ள குழுக்களைப் பாதுகாக்க சுகாதார வசதி கண்காணிப்பு, மேலாண்மை மற்றும் சுகாதார கட்டுப்பாடு அமல் ஆகும்.
"தொடர்ந்து, நான்காவது உத்தி பயனுள்ள இடர் தொடர்பு மூலம் சமூகத்தை மேம்படுத்துவதோடு ஐந்தாவது உத்தி My Sejahtera பயன்பாட்டின் மூலம் சுகாதார அமைப்பை டிஜிட்டல் மயமாக்குவதாகும்," என்று அவர் கூறினார்.
