கோலாலம்பூர், டிச. 10 - இரண்டு நாட்களுக்குப் பிறகு, மடாணி அரசின் ஓராண்டு நிறைவு விழா இன்றுடன் முடிவடைகிறது, இதன் முக்கிய அம்சம் பிரதமர் டத்தோஸ்ரீ அன்வார் இப்ராஹிம் கலந்துக் கொள்ளும் நிறைவு விழாவாகும்.
அன்வார் இன்று பிற்பகல் 3 மணியளவில் மலேசியா மடாணி குறித்த முக்கிய உரையை வழங்குவார் மற்றும் கலந்துரையாடல் அமர்வை நடத்துவார் என்று எதிர்பார்க்கப் படுகிறது, இதில் ஒற்றுமை அரசாங்கத்தின் உயர் மட்டத் தலைவர்கள் கலந்து கொள்வார்கள். சிவில் சேவை நிலை பாலஸ்தீன மனிதாபிமான அறக்கட்டளை நிதியத்தின் நன்கொடைகள் வழங்கலுடன் அதிர்ஷ்டக் குலுக்கல் பரிசுகள் வழங்கப்படுகின்றன.
நிகழ்ச்சியின் கடைசி நாள் புக்கிட் ஜாலில் நேஷனல் ஸ்டேடியம் மைதானத்தில் ஆஃபியத் மடாணி அணிவகுப்பு கொடியேற்றத்துடன் தொடங்கும்.
வருகையாளர்கள் பல்வேறு நடன நிகழ்ச்சிகளுடன் மகிழ்விக்க படுவார்கள், இளம் விவசாய பணியாளர் மானியம் மற்றும் அக்ரோ பேங்க் நிதித் திட்டம் உள்ளிட்ட பல்வேறு திட்டங்களைப் பற்றி அறிந்து கொள்ளலாம், மூலோபாய சொத்துக்கள் மற்றும் இலகுரக வாகனங்களின் மலேசிய ஆயுதப் படைகளின் கண்காட்சியை பார்வையிடலாம் மற்றும் மார்பக புற்றுநோய் மற்றும் கர்ப்பப்பை வாய்ப் புற்றுநோய் பரிசோதனைகளுக்கு பதிவு செய்யலாம்.
உள்ளூர் கலைஞர்கள் பைசல் தாஹிர், ஹேல் ஹுசைனி, சுகி லோ மற்றும் சந்தோஷ் ஆகியோர் நிகழ்ச்சிகள் பிரதான மேடையில் மதியம் 12.30 மணி முதல் 1.30 மணி வரை நடைபெறும், மேலும் இந்த நிகழ்ச்சியில் தேர்ந்தெடுக்கப்பட்ட போக்குவரத்து சம்மன்களுக்கு காவல்துறை 50 சதவீதம் வரை தள்ளுபடி வழங்குகிறது.
பல்வேறு கண்காட்சிகள் மற்றும் செயல்பாடுகள் தவிர, பார்வையாளர்கள் மெகா மடாணி விற்பனையில் காய்கறிகள், இறைச்சி மற்றும் கோழி போன்ற அடிப்படைத் தேவைகளுக்கு 30 சதவீதம் வரை தள்ளுபடி அனுபவிக்க முடியும்.
புக்கிட் ஜாலில் எல்ஆர்டி நிலையத்திற்கு செல்லும் வருகையாளர்களின் வசதிக்காக, நிகழ்ச்சியின் மூன்று நாட்கள் முழுவதும் வருகையாளர்களுக்கு இலவச பேருந்து சேவைகள் ஏற்பாடு செய்யப்பட்டுள்ளது.
- பெர்னாமா
