கோலாலம்பூர், செப் 29: டுவேட் நௌ க்யூஆர் (Duitnow QR) பயன்படுத்துவதற்கு எந்த ஒரு கட்டணமும் விதிக்கப்படாது என்றும் இது மறு அறிவிப்பு வரும் வரை தொடரும் என்றும் மலாயன் பேங்கிங் பிஎச்டி (மே பேங்க்) இன்று தெரிவித்துள்ளது.
"அனைத்து வணிகர்களும் டுவேட் நௌ க்யூஆர் பேமெண்ட்டுகளை எந்தவொரு கட்டணமின்றி பெறலாம்" என்று அறிக்கை ஒன்றில் தெரிவிக்கப்பட்டது.
ஏதேனும் மாற்றங்கள் இருந்தால் வர்த்தகர்களுக்கு முன்கூட்டியே தெரிவிக்கப்படும் என வங்கி தெரிவித்துள்ளது.
நவம்பர் 1 ஆம் தேதியுடன் வணிகர்களுக்கான நான்கு ஆண்டு வணிகத் தள்ளுபடி விகிதம் (MDR) முடிவடையும் என்று டுவேட் நௌ க்யூஆர் குறியீட்டை இயக்கும் ``Payments Network Malaysia Sdn Bhd (PayNet)`` சமீபத்தில் தெளிவுபடுத்தியது.
இப்போதைக்கு, டெபிட் மற்றும் கிரெடிட் கார்டு கட்டணங்கள் வணிகத் தள்ளுபடி விகிதத்திற்கு உட்பட்டவையாகும்.
– பெர்னாமா
