ஷா ஆலம், செப் 5: இன்று பிற்பகல் 3 மணி நிலவரப்படி, ஷா ஆலம் மற்றும் சரவாக்கில் (இரண்டு பகுதிகள்) காற்று மாசுக் குறியீட்டின் (API) அளவீடுகள் ஆரோக்கியமற்ற நிலையில் உள்ளன.
ஷா ஆலம் (146), செரியன் (153) மற்றும் கூச்சிங் (152) என அவ்விடங்களின் காற்று மாசுக் குறியீட்டின் (API) அளவீடுகள் காட்டுகின்றன என மலேசியன் காற்று மாசுபாடு குறியீட்டு மேலாண்மை அமைப்பு (APIMS) தெரிவித்துள்ளது.
0 முதல் 50 வரையிலான IPU அளவீடுகள் நல்லது, 51 முதல் 100 மிதமானது, 101 முதல் 200 ஆரோக்கியமற்றது, 201 முதல் 300 மிகவும் ஆரோக்கியமற்றது என வகைப்படுத்தப்பட்டுள்ளன. அதே சமயம் 300 மற்றும் அதற்கு மேற்பட்டவை ஆபத்தானவை ஆகும்.
சமீபத்திய காற்று மாசுக் குறியீட்டின் (API) அளவீட்டின் நிலையை அறிய மக்கள் APIMS இணையதளத்தைப் பார்வையிடலாம்.
கடந்த மே மாதம், வானிலை மற்றும் காலநிலை அதிகாரிகள் இந்த ஆண்டு ஜூன் மற்றும் அக்டோபர் மாதங்களுக்கு இடையில் தெற்கு ஆசியான் பிராந்தியத்தில் மிகவும் கடுமையான முகைமூட்டம் ஏற்படும் என எச்சரித்தனர்.
வறண்ட காலம் வழக்கத்தை விட கடுமையானதாகவும் நீண்ட காலம் நீடிக்கும் என கணிக்கப்படும் போது இந்த எச்சரிக்கை விடுக்கப்பட்டுள்ளது.
