ஜகார்த்தா, செப் 5: மலேசியாவுக்கும் இந்தோனேசியாவுக்கும் இடையிலான உறவு, இராஜதந்திர மற்றும் பொருளாதாரத் துறைகளுக்கு அப்பாற்பட்டது அதாவது மடாணி கருத்துக்கு ஏற்ப கலை மற்றும் கலாச்சாரத்தையும் உள்ளடக்கியது என்று பிரதமர் டத்தோ ஸ்ரீ அன்வார் இப்ராஹிம் கூறினார்.
ஜனாதிபதி ஜோகோ விடோடோவின் நிர்வாகத்துடனான இருதரப்பு இராஜதந்திர உறவுகள், வணிகர்கள் மற்றும் முதலீட்டாளர்களுடனான தொடர்புகளுக்கு மேலதிகமாக, கலை மற்றும் கலாச்சாரத்தை மேம்படுத்துவது குறித்தும் கவனம் செலுத்தப்பட்டது என்று அவர் கூறினார்.
"இருதரப்பு உறவுகளை மேம்படுத்தவும், கலை மற்றும் கலாச்சாரத்தை மேம்படுத்துவது அவர்களின் அனுபவமும் ஆலோசனைகளும் எனக்கு கிடைத்தன," என்று அவர் இரவு பிரபலங்களுடன் ஒரு நிகழ்ச்சியில் கலந்து கொண்ட பின்னர் ஊடகங்களுக்கு தெரிவித்துள்ளார்.
'சந்தாய் பெர்சாமா அன்வார்' நிகழ்ச்சியில் முலான் ஜமீலா, மருலி மற்றும் பாரா தம்புபோலோன், கார்த்திகா புத்ரி, ஹபீப் உஸ்மான், செல்வி கித்தி மற்றும் மெல்லி கோஸ்லோ மற்றும் மலேசிய கலைஞர் ஃபசுரா உள்ளிட்ட முன்னணி இந்தோனேசிய கலைஞர்கள், மற்றும் செல்வாக்கு மிக்கவர்கள் கலந்து கொண்டனர்.
கூட்டத்தில் விவாதிக்கப்பட்ட விஷயங்களில் கலைஞர்களின் நலனுக்காகப் போராடுவதற்கான முயற்சிகள், கலாச்சார கலைகளை பிரசங்க ஊடகமாக மாற்றுதல், இருநாட்டு கலைஞர்களின் ஒத்துழைப்பு மற்றும் இரு நாடுகளுக்கு இடையே இணக்கமான உறவைப் பேணுவதில் அவர்களின் பங்கு ஆகியவை அடங்கும்.
நாளை தொடங்கும் 43 வது ஆசியான் உச்சி மாநாட்டில் கலந்து கொள்வதற்காக அன்வார் அங்கு சென்றார்.
அவர் ஆஸ்திரேலியா, சீனா, ஜப்பான், இந்தியா, தென் கொரியா, அமெரிக்கா மற்றும் கனடா உள்ளிட்ட ஆசியான் உரையாடல் கூட்டாளர்களுடன் பல இருதரப்பு சந்திப்புகளை நடத்த உள்ளார்.
– பெர்னாமா
