புனோம் பென், மே 9- இங்கு நடைபெற்று வரும் 2023ஆம் ஆண்டு சீ
போட்டியின் குழு நிலையிலான பூப்பந்தாட்டத்தில் தேசிய ஆண்கள் அணி
3-1 என்ற புள்ளிக்கணக்கில் வியட்னாமைத் தோற்கடித்து அரையிறுதிச்
சுற்றுக்குத் தேர்வானது.
மோரோடோக் தெக்கோ தேசியப் பூப்பந்து அரங்கில் நடைபெற்ற ஆட்டத்தில்
மலேசியாவின் ஒற்றையப் பிரிவு ஆட்டக்காரரான லியோங் ஜூன் ஹோ
21-14, 14-21, 21-16 என்ற புள்ளிக்கணக்கில் இங்குயேன் ஹாய் டாங்கை
தோற்கடித்தார்.
இரட்டையர் பிரிவின் முதலாவது ஆட்டத்தின் இரண்டாவது செட்டில்
வியட்னாமின் இங்குயேன் டின் ஹோங்-ட்ரான் டின் மா ஜோடி 21-19 என்ற
புள்ளிக் கணக்கில் முன்னணி வகித்த நிலையில் மலேசியாவின் பே சுன்
மெங்-கோ பூன் ஸி ஜோடி மிகவும் நிதானமாக ஆடி 21-14 என்ற புள்ளிக்
கணக்கில் மலேசியாவுக்கு வெற்றியைத் தேடித் தந்தது.
எனினும், மற்றொரு ஆட்டத்தி உலக தர வரிசையில் 93வது
இடத்திலிருக்கும் மலேசிய விளையாட்டாளரான லு சுன் யாங் உலகின்
163ஆம் நிலை ஆட்டக்காரரான லி டுக் பாட்டிடம் தோல்வி கண்டார்.
இறுதியாட்டத்தில் வியட்னாமின் ஷூன் இங்குயென் ஷூவான் ஹூங்-
பாம் வான் ஹாய் ஜோடியை 21-14, 14-21 மற்றும் 21-18 என்ற புள்ளிகளில்
தோற்கடித்து சியா வேவேய்ஜி- லியு ஷூன் ஜோடியினர் நாளை
நடைபெறும் அரையிறுதியாட்டத்திற்கு மலேசியாவைத் தகுதிப் பெறச்
செய்தனர்
