கோலாலம்பூர், ஏப் 20- இம்மாதம் நடைபெறும் 2023ஆம் ஆண்டு ஆசிய
பூப்பந்து வெற்றியாளர் போட்டியில் மலேசியாவின் மகளிர்
இரட்டையர்களான பியர்லி டான்-எம்.தினா ஜோடி சாதனை படைக்கும் என
பெரிதும் எதிர்பார்க்கப்பட்ட நிலையில் உடல் நலப் பிரச்சனை காரணமாக
பியர்லி அப்போட்டியிலிருந்து திடீரென விலகியுள்ளார்.
இந்த தகவலை மலேசிய பூப்பந்து சங்கம் தனது இண்ட்ஸ்டாகிராம்
பதிவில் நேற்று மதியம் கூறியது.
உடல் நலக் குறைவு காரணமாக பியர்லி 2023 ஆசிய பூப்பந்து
வெற்றியாளர் கிண்ணப் போட்டியிலிருந்து விலகுகிறார் என அந்தப் பதிவு
தெரிவித்தது.
இந்த போட்டி ஐக்கிய அரபு சிற்றரசின் துபாய் நகரில் இம்மாதம் 25 முதல்
30ஆம் தேதி வரை நடைபெறவுள்ளது.
உலகத் தர வரிசையில் எட்டாவது இடத்தை பிடித்துள்ள பியர்லி-தினா
ஜோடி 2022 பிரஞ்சு பொது வெற்றியார்களாகவும் விளங்குகின்றனர்.
