ஷா ஆலம், ஏப்ரல் 3: இந்த நாட்டில் விண்வெளி தொழில் துறையை இயக்குவதற்கு அரசாங்கம் வரிச் சலுகை நீட்டிக்கும் என்று துணை நிதி அமைச்சர் தெரிவித்தார்.
ஸ்டீவன் சிம் சீ கியோங், மலேசியாவை இந்த துறையில் முக்கிய மையமாகவும், பராமரிப்பு, பழுதுபார்ப்பு மற்றும் மாற்றியமைக்கும் (எம்ஆர்ஓ) மையமாகவும் மாற்றுவதற்கான விருப்பத்திற்கு இணங்கும் வகையில் இத்திட்டம் உள்ளது எனக் கூறினார்.
"இந்தத் துறை 2030ஆம் ஆண்டு மலேசிய விண்வெளித் தொழில் நடவடிக்கை திட்டத்தால் வழிநடத்தப் படுகிறது. இந்த திட்டம் RM55.2 பில்லியன் வருமானத்தையும் 2030 ஆம் ஆண்டளவில் 32,000 மலேசியர்களுக்கு உயர் வருமானம் கொண்ட திறமையான வேலைகளையும் உருவாக்குவதை நோக்கமாகக் கொண்டுள்ளது.
"இருப்பினும், இந்தத் துறை இன்னும் இலக்கிலிருந்து வெகு தொலைவில் உள்ளது என்பதை நாங்கள் அறிவோம். எனவே, விண்வெளித் துறை ஊக்குவிப்பு வரி சலுகை தொகுப்பு மேம்பாடுகளுடன் தொடரும்" என்று இன்று டேவான் ராக்யாட்டில் நடைபெற்ற நிறைவு அமர்வில் அவர் கூறினார்.
