கோலாலம்பூர், மார்ச் 27: பேசலில் நடைபெற்ற சுவிஸ் ஓபன் சாம்பியன் ஷிப்பின் இறுதி ஆட்டத்தில் முதலாம் இடத்தை வெல்லும் தேசிய இரட்டையர் கோ சூன் ஹுவாட்-ஷெவோன் லாய் ஜெமியின் எண்ணம் நிறைவேறவில்லை. அவர்கள் சீனாவின் பேங் மற்றும் வெய் யா ஜின் ஜோடியால் வீழ்த்தப்பட்டனர்.
முதல் செட்டில், உலகத் தரவரிசையில் 11வது இடத்தில் இருக்கும் சூன் ஹுவாட்-ஷெவோன், சீன ஜோடிக்குக் கடும் போட்டியை கொடுக்க ஆற்றல் கொண்டவர்களாத் தோன்றினாலும், அச்சீன ஜோடியின் அபார ஆட்டத்திற்கு ஈடுகொடுக்க முடியவில்லை.
14-16 என பின்தங்கியிருந்த போது, இரண்டாவது செட்டை மெதுவாக தொடங்கிய மலேசிய ஜோடி, 21-19 என இரண்டாவது செட்டை வென்று ஸ்கோரை சமன் செய்து பிறகு ஆட்டத்தை இறுதி செட்டுக்கு இழுத்தது.
ஹுவாட்-ஷெவோன் தொடர்ந்து ஆற்றல் மிக்க ஆட்டத்தை வெளிப்படுத்திய போதிலும், எதிர் போட்டியாளர் ஜோடியின் ஆதிக்கத்தை கட்டுப்படுத்த அது போதுமானதாக இல்லை. இறுதியாக ஆட்டம் 21-17 எனச் சீன ஜோடிக்குச் சாதகமாக முடிந்தது.
2023 சீனா மாஸ்டர்ஸ் வெற்றியாளரை சூன் ஹுவாட்-ஷெவோன் சந்திப்பது இதுவே முதல் முறை ஆகும்.
- பெர்னாமா
