ஷா ஆலம், ஜன 23- முன்னாள் மேரு சட்டமன்ற உறுப்பினர் டாக்டர்
அப்துல் ரானி ஒஸ்மான் இன்று அதிகாலை காலமானார். அன்னாருக்கு
வயது 65.
சிலாங்கூர் மாநில பாஸ் கட்சி தனது பேஸ்புக் பதிவில் இத்தகவலை
தெரிவித்தது. முன்னாள் சிலாங்கூர் மாநில பாஸ் கட்சித் தலைவருமான
அவர் இன்று அதிகாலை 5.00 மணியளவில் பந்திங் மருத்துவமனையில்
காலமானதாக சினார் ஹரியான் செய்தி வெளியிட்டுள்ளது.
சிலாங்கூர் மாநிலத்தில் பக்கத்தான் ராக்யாட் ஆட்சியில் இருந்த
காலக்கட்டத்தில் 2008 முதல் 2018 வரை இரு தவணைகள் டாக்டர் அப்துல்
ரானி மேரு சட்டமன்ற உறுப்பினராக பதவி வகித்து வந்தார்.
ஒரு மருத்துவரான அப்துல் ரானி, அரசியலில் நுழைவதற்கு முன்னர்
பெக்கான் மேருவில் கிளினிக் ஒன்றை நடத்தி வந்தார். அன்னாருக்கு
மனைவியும் ஐந்து பிள்ளைகளும் உள்ளனர்.
