கோலாலம்பூர், ஜன 22: ஜொகூர் பாருவிலிருந்து புத்ராஜெயா வரையிலான வடக்கு-தெற்கு விரைவுச் சாலையின் (பிளஸ்) அவசரப் பாதையில் நேற்று காலை 10 மணி முதல் மதியம் 2 மணி வரை 100 க்கும் மேற்பட்ட வாகனங்கள் செல்வதை சாலைப் போக்குவரத்து துறை பதிவு செய்துள்ளது.
சாலைப் போக்குவரத்து துறை (JPJ) இன்று தனது அதிகாரப்பூர்வ முகநூல் மூலம் ஓர் அறிக்கையில், சம்மந்தப்பட்ட நெடுஞ்சாலையில் மேற்கொள்ளப்பட்ட சிறப்பு சீனப் புத்தாண்டு 2023 கண்காணிப்பு நடவடிக்கையின் மூலம் இக்குற்றம் கண்டறியப்பட்டது.
" இந்தக் குற்றமானது அபராதம் வழங்க முடியாத ஏழு குற்றங்களில் ஒன்றாகும், மேலும் இக்குற்றம் தொடர்பாக நீதிமன்றத்தில் வழக்குத் தொடரப்படும் என்பதை வலியுறுத்த ஜேபிஜே விரும்புகிறது" என்று அந்த அறிக்கையில் கூறப்பட்டுள்ளது.
அவை முறையற்ற லைன் மாறுதல், இரட்டைக் கோடுகளில் முந்திச் செல்வது வாகனங்களை கடப்பது. , சிவப்பு விளக்கு சிக்னலை மீறுதல், வேக வரம்பை மீறி வாகனம் ஓட்டுவது, வாகனம் ஓட்டும்போது கைப்பேசி (மொபைல் போன்) பயன் படுத்துதல், சீட் பெல்ட் அல்லது ஹெல்மெட் அணியாதது மற்றும் அவசர பாதையை தனியார் வாகனங்ள் பயன்படுத்துவது ஆகிய ஏழு குற்றங்கள் ஆகும்.
இந்த பண்டிகைக் காலம் முழுவதும் சாலை விதிகளை கடைபிடிக்குமாறு பொதுமக்களை ஜே.பி.ஜே கேட்டுக்கொள்கிறது, ஏனேனில் சாலை விதி மீறல், நெரிசல் மற்றும் சாலை விபத்துக்களுக்கு அது காரணமாகிறது.
எந்தவொரு போக்குவரத்துக் குற்றப் புகாரையும் e-Aduan@jpj மூலமாகவோ MyJPJ விண்ணப்பம் மூலமாகவோ அல்லது JPJ aduantrafik@jpj.gov.my என்ற மின்னஞ்சல் முகவரிக்கு புகார் அனுப்பலாம்.
– பெர்னாமா
