புத்ராஜெயா, ஜன 19: மாற்றுத்திறனாளிகள் (OKU) இலவசப் பொது போக்குவரத்து சேவையை விரைவில் பெறுவர் என்று பெண்கள், குடும்பம் மற்றும் சமூக மேம்பாட்டு அமைச்சர் டத்தோஸ்ரீ நான்சி சுக்ரி கூறினார்.
இந்த விஷயத்தைப் போக்குவரத்து அமைச்சர் அந்தோனி லோக் சியூ ஃபூக் ஒப்புக்கொண்டார், ஆனால் அவர்கள் அந்த இலவசச் சேவையை வழங்குவதற்கான நடைமுறை ஆய்வு செய்ய வேண்டும் என்றார்.
அவரது கருத்துப்படி, தற்போது மாற்றுத் திறனாளிகளுக்குப் பொது போக்குவரத்து கட்டணத்தில் 50 சதவீதம் தள்ளுபடி வழங்கப்படுகிறது, ஆனால் அவர்களில் பலர் அந்த நன்மையை அனுபவிக்கவில்லை என்றார்.
"இந்த விவகாரம் தொடர்பாக நான் மாண்புமிகு அமைச்சரிடம் (லோக்) பேசினேன், அவர் இந்த முன்மொழிவுக்கு ஒப்புக்கொண்டார். இலவச சேவையை அமல்படுத்தும் தேதி, போக்குவரத்து அமைச்சகத்தைப் பொறுத்தது என்று நான்சி கூறினார்.
லைட் ரயில் போக்குவரத்து (எல்ஆர்டி), மாஸ் ரெயில் டிரான்சிட் (எம்ஆர்டி) மற்றும் ஸ்டாப் அண்ட் கோ பஸ்கள் போன்ற பொதுப் போக்குவரத்தைப் பயன்படுத்தும் மாற்றுத்திறனாளிகளுக்கான இலவச கட்டண சேவையை குறித்து இன்றைய அமைச்சரவை கூட்டத்தில் அமைச்சர் லோக் உடன் விவாதித்ததாக நான்சி ட்விட்டர் மூலம் தெரிவித்தார்.
- பெர்னாமா
