புத்ராஜெயா, டிச 7: இன்று பிற்பகல் மணி 2.26 அளவில் இங்குள்ள, கருவூலக் கட்டிடத்தில் உள்ள குப்பை அறையில் சிறிய தீ விபத்து ஏற்பட்டதை நிதி அமைச்சு (MOF) உறுதிப்படுத்தியது, மேலும் சம்பவத்திற்கான காரணத்தை அறிய இன்னும் அதிகாரிகளின் அதிகாரப்பூர்வ அறிக்கைக்காக காத்திருக்கிறது.
“புத்ராஜெயா தீயணைப்பு மற்றும் மீட்புக் குழுவினரால் தீ முழுவதுமாக அணைக்கப்பட்டு கருவூலக் கட்டிடத்தில் உள்ள மற்ற பகுதிகளுக்குப் பரவாமல் இருப்பது உறுதி செய்யப்பட்டது.
பாதிப்புகள் எதுவும் இல்லை" என்று நிதி அமைச்சு இன்று ஒரு அறிக்கையில் தெரிவித்துள்ளது. ஆனால், இழப்பு எவ்வளவு என்று இன்னும் தீர்மானிக்கப்படவில்லை.
இந்த சம்பவத்தை தீயணைப்பு மற்றும் மீட்புத் துறையின் துணைத் தலைவர் எம். சுராஸ் உறுதிப்படுத்தினார், அவர் பிற்பகல் மணி 2.34 அளவில் தனக்கு அழைப்பு வந்ததாகவும், உடனே சம்பவ இடத்திற்கு மூன்று தீயணைப்பு வண்டிகள் அனுப்பப்பட்டதாகவும் கூறினார்.
- பெர்னாமா
