ஷா ஆலம், மார்ச் 22 - ஷா ஆலம் சிட்டி கவுன்சில் (எம்பிஎஸ்ஏ) 2022 ஷா ஆலம் புகைப்படப் போட்டியை மார்ச் 15 முதல் செப்டம்பர் 15 வரை ஏற்பாடு செய்கிறது.
போட்டியில் வெற்றி பெறுபவர்களுக்கு மொத்தம் RM28,000 பரிசாக வழங்கப்படுகிறது. 18 வயதுக்கு மேற்பட்ட மலேசிய குடிமக்கள் இப்போட்டியில் இலவசமாக கலந்துக் கொள்ளலாம்.
எம்பிஎஸ்ஏ கார்ப்பரேட் மற்றும் மக்கள் தொடர்பு தலைவர் ஷாரின் அகமது கூறுகையில், கட்டிடங்கள் அல்லது அடையாளங்கள், இயற்கை, வாழ்க்கை முறை மற்றும் இரவு காட்சி என ஐந்து பிரிவுகளில் போட்டியிடும்.
“புகைப்படப் போட்டியானது, பொதுமக்கள் தங்கள் திறமைகளை வெளிப்படுத்தவும், புகைப்படக்கலையின் மூலம் ஷா ஆலம் நகரத்தை போற்ற நேசிக்க சமூகத்தை ஊக்குவிப்பதற்கான ஒரு வழியாக இதனை வழங்குவதாக அது கூறியது.
"பங்கேற்பாளர்கள் ஷா ஆலமைச் சுற்றியுள்ள சுற்றுலா இடங்கள், கட்டிடங்கள், நினைவுச்சின்னங்கள், ஏரிகள், பூங்காக்கள் அல்லது நிலப்பரப்புகள் போன்ற சுவாரஸ்யமான இடங்களில் புகைப்படம் எடுக்கலாம்" என்று அவர் ஒரு அறிக்கையில் தெரிவித்துள்ளார்.
முதல் இடம் பெறுபவர் ரிம3,000 ரொக்கப் பரிசாகப் பெறுவார்; இரண்டாவது பரிசு (RM2,000), மூன்றாம் பரிசு (RM1,000) மற்றும் ஐந்து பேருக்கு தலா RM200 மதிப்புள்ள ஆறுதல் வெகுமதி வழங்கப்படும் என்று ஷாரின் கூறினார்.
வெற்றியாளர்கள் சிறந்த கருபொருள், அசல் அமைப்பு, படைப்பாற்றல் மற்றும் புகைப்பட நுட்பங்களின் பயன்பாடு ஆகியவற்றின் அடிப்படையில் மதிப்பீடு செய்யப்படுவார்கள் என்று அவர் கூறினார்.
ஆர்வமுள்ளவர்கள் எம்பிஎஸ்ஏவின் இணையதளம் வழியாக www.mbsa.gov.my இல் படிவத்தைப் பெறலாம் அல்லது செக்சென் 14, ஷா ஆலமில் உள்ள விஸ்மா எம்பிஎஸ்ஏவின் தரைத்தளத்தில் அமைந்துள்ள எம்பிஎஸ்ஏ கார்ப்பரேட் மற்றும் மக்கள் தொடர்புப் பிரிவைப் பார்வையிடலாம்.
