ஷா ஆலம், ஆக 20- கோவிட் -19 தொற்றுகளின் எண்ணிக்கை அதிகரிப்பை கவனத்தில் கொண்டு சிலாங்கூர் சுல்தான் ஷராபுடின் இட்ரிஸ் ஷா சிலாங்கூர் மாநில சட்டமன்ற தொடக்க விழா வரும் திங்கட்கிழமை சுருக்கமாக நடத்த உத்தரவிட்டார்.
சபாநாயகர் இங் சூய் லிம், தொடக்க விழாவில் சிலாங்கூர் சுல்தானின் அரச உரையை மட்டுமே உள்ளடக்கியதாக இருக்கும் என கூறினார், இதற்கு முன் திட்டமிடப் பட்ட இராணுவ அணிவகுப்பு மற்றும் குழு புகைப்பட நிகழ்வுகளும் ரத்து செய்யப்பட்டுள்ளது என்றார்.
அமர்வின் போது விருந்தினர்களின் எண்ணிக்கை 200 க்கும் குறைவான நபர்களுக்கு மட்டுமே அனுமதியளிக்கப் படுதாகவும், விழாவின் போது சட்டமன்ற உறுப்பினர்கள் அதிகாரப்பூர்வ உடையை அணிய வேண்டிய அவசியமில்லை என்றும் அவர் கூறினார். "முஸ்லிம்களுக்கு, மாநில பிரதிநிதிகள் தேசிய உடையை அணியலாம் மற்றும் முஸ்லீம் அல்லாதவர்களுக்கு, அவர்கள் ஒரு சூட் மற்றும் 'சொங்கோக்' அணியலாம்.
வருகையாளர்கள் அனைவரும் " நிலையான நடமாட்ட கட்டுபாடு நடைமுறைகளை (SOPs) பின்பற்ற வேண்டும் " என்று அவர் இன்று இங்குள்ள மாநில தலைமையகத்தின் இணைப்பு கட்டிடத்தில் செய்தியாளர் சந்திப்பின் போது கூறினார்.
செப்டம்பர் 6 வரை ஒன்பது நாட்கள் நடைபெறும் சட்டசபைக்கு முன் அனைத்து மாநில பிரதிநிதிகள், அரசு அதிகாரிகள் மற்றும் ஊடகவியலாளர்கள் கோவிட் -19 ஸ்வாப் சோதனைக்கு உட்படுத்தப்பட வேண்டும் என்று கூறினார். "நாங்கள் அனைத்து மாநில பிரதிநிதிகளுக்கும் கோவிட் -19 சுய பரிசோதனை கருவியை வழங்குவோம், மேலும் அவர்கள் இரண்டு நாட்களுக்கு ஒரு முறையாவது சோதனை செய்ய வேண்டும்.
நாடாளுமன்றத்தில் ஏற்பட்ட அந்த நிலையை இங்கு தவிற்க விரும்புகிறோம் என்றார் அவர். , சட்டசபை சுமூகமாக நடத்தப்படுவதை உறுதி செய்வதற்காக இது தேவைப்படுகிறது, ”என்று அவர் கூறினார்.
சிலாங்கூர் மாநில சட்டமன்ற கூட்டத்தொடரின் நேரடி அமர்வை மீடியா சிலாங்கூரின் ஃபேஸ்புக் மற்றும் சிலாங்கூர் டிவி யூடியூப் சேனலில் காணுங்கள். Selangorkini.my மற்றும் selangorjournal.my போர்ட்டல்கள் வழியாக உட்கார்ந்த செய்தி அறிக்கைகளைப் பின்பற்றவும்
