ஷா ஆலம், ஜூலை 23- வீட்டிலிருந்து கற்றல் நடவடிக்கைகளை மேற்கொள்ளும் மாணவர்களின் வசதிக்காக ஆட்சிக்குழு உறுப்பினர் இஞ்சினியர் இஷாம் ஹிஷிம் 100 கணினிகளை அன்பளிப்பாக வழங்குகிறார்.
ஐம்பது மாணவர்களுக்கு இந்த மின்னியல் உபகரணங்களை வழங்க ஏற்கனவே திட்டமிட்டிருந்த நிலையில் இத்திட்டத்திற்கு கிடைத்த பெரும் வரவேற்பு காரணமாக இந்த எண்ணிக்கை 100 ஆக உயர்த்தப்பட்டதாக ஹிஷாம் தனது டிவிட்டர் பதிவில் குறிப்பிட்டுள்ளார்.
வீட்டிலிருந்து கற்றல் நடவடிக்கைகளை மேற்கொள்வதற்கு ஏதுவாக 15 முதல் 25 வயது வரையிலான 100 மாணவர்களுக்கு 60 மடிக்கணினிகளும் 40 கையடக்க கணினிகளும் வழங்கப்படுவதாக அவர் சொன்னார்.
மாணவர்களுக்கு 25 மடிக்கணினிகள் மற்றும் 25 கையடக்க கணினிகளை வழங்குவதை இலக்காக கொண்டு கடந்த 11 ஆம் தேதி இத்திட்டத்தைத் தொடக்கினோம்.
எனினும், சிலாங்கூர் மற்றுமின்றி நாடு முழுவதுமிருந்து அதிகமான மாணவர்கள் இத்திட்டத்திற்கு விண்ணப்பம் செய்த காரணத்தால் கணினிகளின் எண்ணிக்கை உயர்த்தப்பட்டது. வீட்டிலிருந்து கற்றல் கற்பித்தல் நடவடிக்கைகளை மாணவர்கள் மேற்கொள்வதற்கு இத்திட்டம் பெரிதும் துணை புரியும் என நம்புகிறோம் என்றார் அவர்.
வரும் 31ஆம் தேதி வரை இத்திட்டத்திற்கு விண்ணப்பம் செய்ய முடியும் எனக் கூறிய இஷாம், எனும் தனது டிவிட்டர் கணக்கின் வழி இதற்கான விண்ணப்பத்தை செய்யலாம் என்றார்.
முழுப் பெயர், அடையாளக் கார்டு எண், முகவரி மற்றும் கணினிக்கு விண்ணப்பம் செய்வதற்கான நோக்கம் ஆகியவற்றை விண்ணப்பத்தில் குறிப்பிட வேண்டும் என்றும் Twitter @IrIzhamHashim அவர் கேட்டுக் கொண்டார்.
