மலேசிய ஓப்பன்: ஆரோன்-வூய் யிக், வெய் சோங்-காய் வுன் ஆகியோர் காலிறுதிக்கு முன்னேறினர்

ஷா ஆலம், ஜனவரி 9- நேற்று நடைபெற்ற பூப்பந்து இரண்டாவது சுற்றில் தங்கள் எதிராளிகளை வீழ்த்தி மலேசிய ஓப்பனின் காலிறுதிக்கு இரண்டு தேசிய ஆண்கள் இரட்டையர் அணிகளான ஆரோன் சியா-சோ வூய் யிக் மற்றும் மான் வெய் சோங்-டீ கை வுன் ஆகியோர் முன்னேறினர்.

62 நிமிட ஆட்டத்தில் ஆரோன்-வூய் யிக் சீன ஜோடியான சென் சூ ஜுன்-லியு யாங்கை 21-14, 14-21, 21-14 என்ற புள்ளி கணக்கில் தோற் கடித்தனர். போட்டியின் இரண்டாம் நிலை ஜோடி நாளை காலிறுதியில் தென் கொரியாவின் காங் மின் ஹியூக்-கி டோங் ஜூ அல்லது இந்தோனேசியாவின் சபர் கார்யமன் குட்டாமா-மோ ரெசா பஹ்லேவி இஸ்பஹானியை எதிர்கொள்ள உள்ளது.

இதற்கிடையில், மான் வெய் சோங்-டீ கை வுன் சிறந்த ஆட்டத்தை வெளிப்படுத்தினர். அவர்கள் ஜப்பானிய ஜோடியான ஹிரோகி மிடோரிகாவா-கியோஹெய் யமாஷிதாவை 21-9, 21-15 என்ற கணக்கில் எளிதாக தோற்கடித்தனர். உலகத் தரவரிசையில் ஐந்தாவது இடத்தில் உள்ள இந்த ஜோடி, வெறும் 29 நிமிடங்களில் போட்டியை முடித்ததுடன், ஜப்பான் இணைக்கு எதிரான மூன்று சந்திப்புகளில் இரண்டாவது வெற்றியைப் பதிவு செய்தது.