மார்சே, ஜனவரி 22 - ஐரோப்பிய சாம்பியன்ஸ் லீக் காற்பந்து போட்டியில் மார்சே (Marseille) அணிக்கு எதிரான ஆட்டத்தில் 3-0 என்ற கோல் கணக்கில் லிவர்பூல் அணி அபார வெற்றி பெற்றது.
இந்த வெற்றியின் மூலம் அனைத்து போட்டிகளிலும் தோல்வியுறாமல் தனது 13-வது ஆட்டத்தைத் தொடரும் லிவர்பூல், நாக்-அவுட் (Last 16) சுற்றுக்குத் தகுதி பெறும் வாய்ப்பை உறுதிப்படுத்தியுள்ளது.
ஆட்டத்தின் முதல் பாதியில் டொமினிக் சோபோஸ்லாய் (Dominik Szoboszlai) லிவர்பூல் அணிக்கு முதல் கோலை அடித்து முன்னிலை பெற்று தந்தார்.
தொடர்ந்து இரண்டாவது பாதியில், எதிரணி வீரர் ஜெரோனிமோ ருல்லி (Geronimo Rulli) கோல் அடிக்க, பின்னர் கோடி காக்போ (Cody Gakpo) ஒரு கோலை அடித்து அணியின் வெற்றியை உறுதி செய்தார்.
இந்த வெற்றியின் மூலம் ஆர்னே ஸ்லாட் (Arne Slot) தலைமையிலான லிவர்பூல் அணி புள்ளிப்பட்டியலில் நான்காவது இடத்திற்கு முன்னேறியுள்ளது.
அடுத்த வாரம் ஆன்ஃபீல்டில் நடைபெறும் கராபாக் (Qarabag) அணிக்கு எதிரான ஆட்டத்தில் வெற்றி பெற்றால், லிவர்பூல் முதல் எட்டு இடங்களுக்குள் நுழைவது உறுதியாகிவிடும்.
இதற்கிடையில், கடந்த நவம்பர் மாதம் முதல் அணியில் இடம் பெறாமல் இருந்த நட்சத்திர வீரர் முகமது சாலா, இப்போட்டியில் மீண்டும் களமிறங்கியது குறிப்பிடத்தக்கது.
