சென்னை, டிச 4- பிரபல தமிழ்த் திரைப்பட தயாரிப்பாளரும் ஏ.வி.எம் ஸ்டூடியோவின் நிறுவனர்களில் ஒருவரான ஏ.வி.எம் சரவணன் அவர்கள் வயது மூப்பு காரணமாக சென்னையில் இன்று காலமானார். அவருக்கு வயது 86 ஆகும்.
சென்னையிலுள்ள ஏவிஎம் ஸ்டூடியோவில் தயாரிப்பாளர் சரவணன் உடல் அஞ்சலிக்காக வைக்கப்பட்டுள்ளது என்று தெரிவிக்கப்பட்டது.
தமிழக அரசின் கலைமாமணி விருது உள்ளிட்ட பல்வேறு விருதுகளைப் பெற்றவர் ஏ.வி.எம் சரவணன்.
ஏவிஎம் ஸ்டூடியோவை நிர்வகித்து அவர் பல திரைப்படங்களைத் தயாரித்தும் இருந்தார் என்பது குறிப்பிடத்தக்கது.
நேற்று பிறந்த நாள் கொண்டாடிய நிலையில் இன்று அவர் காலமான செய்தி பெரும் வருத்தத்தை ஏற்படுத்தியுள்ளது.
