கோத்தா கினாபாலு, நவ 12- சபா மாநிலத்திற்கு 40 விழுக்காடு வருமானம் வழங்கப்பட வேண்டும்.
சபாவின் அரசியல் சட்ட உரிமை தொடர்பான கோத்தா கினாபாலு உயர்நீதிமன்றத்தின் முடிவை எதிர்த்து மேன்முறையீடு செய்யாமல் இருக்கும் கூட்டரசு அரசாங்கத்தின் வரலாற்றுச் சிறப்புமிக்க முடிவை சபா மாநில அரசாங்கம் வரவேற்றுள்ளது.
இது மாநிலத்தில் சேகரிக்கப்படும் வருமானத்தில் 40% சிறப்பு மானியம் வழங்குவது குறித்ததாகும்.
சபாவின் இடைக்கால முதலமைச்சர், டத்தோ ஸ்ரீ ஹாஜிஜி நூர் அவர்கள், இந்த முடிவு பிரதமர் டத்தோ ஸ்ரீ அன்வார் இப்ராஹிம் சபாவின் மக்களின் எதிர்பார்ப்புகளையும் உணர்வுகளையும் உண்மையாகப் புரிந்துகொண்டுள்ளார் என்பதைக் காட்டுவதோடு, கூட்டாச்சி அரசியலமைப்பின் கீழ் உத்தரவாதம் அளிக்கப்பட்டதை நிலைநாட்டுவதில் அவரது உண்மையான அர்ப்பணிப்பையும் பிரதிபலிக்கிறது என்று கூறினார்.
