குவாந்தான், மே 10: இன்று மதியம் தனது குடும்பத்தினருடன் சுற்றுலா சென்றிருந்த ஏழு வயது சிறுமி சுங்கை பலோக் ஆற்றின் முகத்துவாரத்தில் மூழ்கி உயிரிழந்திருக்கலாம் என அஞ்சப்படுகிறது.
நூர் அஃபியா ரமதானி சுல்கர்னைன் சம்பந்தப்பட்ட சம்பவம் தொடர்பாக மாலை 4.46 மணிக்கு அவசர அழைப்பு வந்ததாக பகாங் தீயணைப்பு மற்றும் மீட்புத் துறையின் செய்தித் தொடர்பாளர் தெரிவித்தார்.
குவாந்தான் தீயணைப்பு மற்றும் மீட்பு நிலையம் மற்றும் கெபெங்கைச் சேர்ந்த நீர் மீட்புக் குழு (PPDA) உட்பட மொத்தம் 21 உறுப்பினர்கள் தேடுதல் மற்றும் மீட்பு நடவடிக்கையில் ஈடுபட்டதாக அவர் கூறினார்.
"இந்த நடவடிக்கைக்கு பொதுமக்களும் உதவினார்கள், மேலும் PPDA ஆல் நீரின் மேற்பரப்பில் தேடுதல் மற்றும் டைவிங் மேற்கொள்ளப்பட்டது, ஆனால் பாதிக்கப்பட்டவர் கண்டுபிடிக்கப்படவில்லை," என அவரை தொடர்புக் கொண்டபோது கூறினார்.
இந்த நடவடிக்கை இரவு 7.32 மணிக்கு இடைநிறுத்தப்பட்டு நாளை மீண்டும் தொடங்கும்.
