கோலாலம்பூர், பிப்ரவரி 22: நேற்று அதிகாலை 5:32 மணிக்கு இங்குள்ள பண்டார் சுங்கை லாங் பகுதியில் உள்ள ஒரு வீட்டில் தனது மனைவியைக் கொன்றதாக ஒரு தொழிலதிபர் கைது செய்யப்பட்டார்.
காஜாங் மாவட்ட காவல் துறைத் தலைவர் ஏ. சி. பி. நஸ்ரான் அப்துல் யூசோஃப் கூறுகையில், தம்பதியினரின் 35 வயது மகனிடமிருந்து இந்த சம்பவம் குறித்து தனது குழுவுக்கு ஒரு புகார் கிடைத்ததாகவும், அவர் தனது 65 வயது தந்தை தனது தாயைக் கொன்றதாகவும் கத்தியால் மணிக்கட்டை வெட்டி தற்கொலைக்கு முயன்றதாகவும் தெரிவித்தார்.
போலீஸ் தடயவியல் குழுவுடன் சம்பவ இடத்திற்குச் சென்று விசாரணை நடத்தியதாகவும், பாதிக்கப்பட்டவர் 63 வயதான உள்ளூர்கார்ர் படுக்கையில் இரத்தக் வெள்ளத்தில் கிடப்பதை கண்டறிந்து இறந்து விட்டதாகவும் அவர் கூறினார்.
"இந்த சம்பவத்தில் பயன்படுத்தப்பட்ட கத்தி விசாரணைக்கு உதவுவதற்காக பல பொருட்களுடன் பறிமுதல் செய்யப்பட்டது".
"சம்பவத்திற்கான காரணம் இன்னும் விசாரணையில் உள்ளது, மேலும் சந்தேகத்திற்குரியவர் 25 ஆண்டுகளாக நடத்தி வந்த வணிகம் மற்றும் அவரது மனைவியின் உடல்நிலை காரணமாக மன உளைச்சலுக்கு ஆளானதாக நம்பப்படுகிறது" என்று அவர் ஒரு அறிக்கையில் தெரிவித்துள்ளார்.
தற்போதைக்கு, பாதிக்கப் பட்டவரின் நோய் அடையாளம் காணப்படவில்லை, ஏனெனில் அவர்கள் இன்னும் முழு மருத்துவ அறிக்கைக்காக காத்திருக்கிறார்கள் என்றும், தம்பதியினருக்கு திருமணமாகி 36 ஆண்டுகள் ஆகிவிட்டதாகவும், இரு பிள்ளைகள் இருப்பதாகவும் தெரிகிறது என்றும் நஸ்ரான் கூறினார்.
பிரேத பரிசோதனைக்காக உடல் செர்டாங் மருத்துவமனையின் தடயவியல் துறைக்கு அனுப்பப்பட்டது, மேலும் மரணத்திற்கான காரணம் மூச்சுத் திணறல் ஆகும்.
"சந்தேகத்திற்குரியவர் பிப்ரவரி 27 வரை ஒரு வாரம் காவலில் வைக்கப் பட்டுள்ளார், மேலும் தண்டனைச் சட்டத்தின் பிரிவு 302 இன் கீழ் இந்த வழக்கு விசாரிக்கப்பட்டு வருகிறது" என்று அவர் கூறினார்.
தகவல் தெரிந்தவர்கள் அருகிலுள்ள காவல் நிலையம் அல்லது வழக்கு புலனாய்வாளர் ஏ. எஸ். பி. ஆர். கே. உமேஷை 012-611.4900 என்ற எண்ணில் தொடர்பு கொள்ளுமாறு கேட்டுக்கொள்ளப்படுகிறார்கள்
