எட்டு மாத ஆண் குழந்தை  காப்பகத்தில் இறந்தது

அலோர் காஜா, செப்டம்பர் 7: இங்குள்ள தாமான் கெலேமக் உத்தாமாவில் உள்ள  குழந்தை பராமரிப்பு இல்லத்திலநர்சரி பள்ளியில் டாஸ்கா) நேற்று எட்டு மாத ஆண் குழந்தை இறந்ததாக நம்பப்படுகிறது.

அலோர் காஜா மாவட்ட காவல் துறைத் தலைவர் சுப்ட் அஷாரி அபு சாமா, விசாரணைக்கு உதவுவதற்காக,  மூன்று குழந்தைகளுக்கு தாயான 34 வயது பெண், மாலை 3.30 மணியளவில் நர்சரியில் தடுத்து வைக்கப்பட்டார்.

இங்குள்ள அலோர் காஜா மருத்துவமனையில் அவசர சிகிச்சைப் பிரிவில் உள்ள ஒரு பெண்ணிடம் இருந்து காவல்துறைக்கு அழைப்பு வந்தது, அவர் மயக்க நிலையில்  இருந்த  எட்டு மாத ஆண் குழந்தையின் தாய் என  தெரிவித்தார்.

முதற்கட்ட விசாரணையின்போது, காலை 7.05 மணியளவில் குழந்தையை அவரது தாயும் தாத்தாவும் மருத்துவமனைக்கு கொண்டு வந்திருந்தனர். பாதிக்கப்பட்ட குழந்தையின்  உடல் நீல நிறத்தில் இருப்பதாகவும், மூக்கில் இரத்தம் கசிந்த தாகவும், பாதிக்கப்பட்டவரின் தாயாருக்கு நர்சரியில் இருந்து அழைப்பு வந்தது.

"பாதிக்கப்பட்டவர் உடனடியாக அலோர் காஜா மருத்துவமனைக்கு கொண்டு செல்லப்பட்டார், மேலும் மாலை 6 மணியளவில் பிரேத பரிசோதனை செய்யப்படுவதற்கு முன்பு மருத்துவர் அவரது மரணத்தை உறுதிப்படுத்தினார்," என்று அவர் நேற்று இரவு ஒரு அறிக்கையில் தெரிவித்தார்.

இதற்கிடையில், குழந்தையின் தந்தை மேஜர் முகமட் ஃபிக்ரி அம்ரி அப்த் ஹலீம், 39, தனது மகன் முஹம்மது அல் ஃபதே அம்ரி ஐந்து நாட்கள் மட்டுமே நர்சரிக்கு அனுப்பப்பட்டதாக கூறினார்.

அவரது மனைவி (39) சப்ரினா ஹக்கீம் ஜைனியை நர்சரியில் இருந்து தொடர்பு கொண்டவுடன், தினபராமரிப்பு மையத்திற்கு வந்த போது, அவர்களின் குழந்தை இரத்தம் தோய்ந்த வாய் மற்றும் நீல நிற முகத்துடன் இருப்பதைக் கண்டதாக அவர் கூறினார்.

இதைவிட மன வேதனை என்னவென்றால், ஒரு பிள்ளைக்கு 13 வருடங்கள்  காத்திருந்த தம்பதியினர்,

பராமரிப்பு இல்லத்திற்கு  அனுப்பிய 5 தே நாட்களில் இந்த அசம்பாவிதம்  நடந்ததாகும்  என்றார்.

அந்த குழந்தையை கவனித்துக் கொள்வதற்காக  கடந்த 8 மாதங்களாக அவரது மனைவி சம்பளமில்லா விடுப்பு எடுத்து கவனித்து வந்த  பின், 5 தே நாட்களில்  இப்படி  நடக்கும் என்று எதிர்பார்க்கவில்லை.

அலோர் காஜா மருத்துவமனை தடயவியல் பிரிவில் செய்தியாளர்களை சந்தித்தபோது,4 ஆண்டாக செயல்படும்  பகல்நேர பராமரிப்பு மையத்திற்கு உரிமம் இருப்பதாக தான் நினைத்ததாகவும், ஆனால் காவல்துறையினரின் விசாரணையில், லைசன்  இல்லா இல்லம் என்பதை அறிந்து , தான் மிகவும் வருத்தம் அடைந்ததாக, கூறினார்.