சைபர் ஜெயா, ஏப்ரல் 28 - தொழில் பாதுகாப்பு மற்றும் சுகாதார (திருத்தம்) சட்டம் 2022 ஜூன் 1 முதல் நடைமுறைக்கு வரும், இது நாடு முழுவதும் பணியிடங்களில் பாதுகாப்பு மற்றும் ஆரோக்கியத்தின் அளவை மேலும் அதிகரிக்கும் என்று மனிதவள அமைச்சர் ஸ்டீவன் சிம் தெரிவித்தார்.
ஏறக்குறைய இரண்டு ஆண்டுகளாக தாமதமாகி வந்த இந்தச் சட்டத்தை அமல்படுத்துதல் மற்றும் அமலாக்குதல் ஆகியவற்றை விரைவுபடுத்தும் வகையில் அரசு பதிவேட்டில் இடப்பட்டுள்ளது.
"எனவே, 100 நாட்களுக்குள் (அமைச்சகத்தின் தலைமையில்), புதிய திருத்தம் நடைமுறைக்கு வருவதற்கான வர்த்தமானியில் நான் கையெழுத்திட்டுள்ளேன்," என்று அவர் இன்று பாதுகாப்பு மற்றும் சுகாதாரத்திற்கான உலக தினத்தை கொண்டாடிய பின்னர் செய்தியாளர்களிடம் கூறினார்.
தொழில் பாதுகாப்பு மற்றும் சுகாதார (திருத்தம்) சட்டம் 2022 மார்ச் 16, 2022 அன்று பாராளுமன்றத்தில் நிறைவேற்றப்பட்டது.
சட்டத்தின் அமலாக்கத்திற்கு முதலாளிகள் பணியிடத்தில் ஏற்படும் அபாயங்களை ஆய்வு செய்து சுகாதாரப் பாதுகாப்பு ஒருங்கிணைப்பாளரை நியமிக்க வேண்டும் என்று சிம் கூறினார்.
"ஐந்து அல்லது அதற்கு மேற்பட்ட பணியாளர்களைக் கொண்ட நிறுவனங்கள் ஒரு ஒருங்கிணைப்பாளரை நியமிக்க வேண்டும்...இந்தச் சட்டத்தின் அமுலாக்கம் தொழில்சார் சுகாதாரம் மற்றும் பாதுகாப்பு பயிற்சியாளர் துறையால் மிகவும் எதிர்பார்க்கப் படுகிறது.
"ஒருங்கிணைப்பாளர்கள் ஒரு புதிய விஷயம், இந்த பயிற்சி பெற்றவர்கள் இருப்பதன் மூலம், பணியிட சூழல் பாதுகாப்பாக இருக்கும் என்று நாங்கள் நம்புகிறோம்," என்று அவர் கூறினார்.
இதற்கிடையில், இந்த ஆண்டு நாடு முழுவதும் 13,000 தொழிலாளர்கள் தொழில்சார் மனநல முதலுதவி பயிற்சி திட்டத்தை பின்பற்றுவார்கள் என்று அமைச்சர் கூறினார்.
இத்திட்டம் நல்ல வரவேற்பைப் பெற்றுள்ளது டன், இந்த ஆண்டு பிப்ரவரியில் தொடங்கப்பட்டதிலிருந்து 4,000 தொழிலாளர்கள் பயிற்சி பெற்றுள்ளனர்.
"இந்த முயற்சி பணியிடத்தில் தொழில்சார் பாதுகாப்பு மற்றும் சுகாதார நடைமுறைகளை வலுப்படுத்தும் என்று நாங்கள் நம்புகிறோம்... மனநலப் பிரச்சனைகளிலும் அமைச்சு கவனம் செலுத்துவதாக சிம் கூறினார்.
இன்றைய விழாவில், தொழில் பாதுகாப்பு மற்றும் சுகாதார பயிற்சியாளர்கள் (OKH) அடங்கிய 2,500 பங்கேற்பாளர்கள் ஒருமைப்பாடு உறுதிமொழி வாசித்து, மலேசிய பதிவு புத்தகத்தில் 'மலேசியாவில் OSH பயிற்சியாளர்களால் மிகப்பெரிய ஒருமைப்பாட்டு உறுதிமொழி' என்ற சாதனையை படைத்தனர்.
