குவாந்தான், செப் 20: இன்று அதிகாலை கோலா லிபிஸிலிருந்து 90 கிலோமீட்டர் தொலைவில் கம்போங் குபாங் ருசா அருகே ஜாலான் லிபிஸ்-மெராபோவின் கிலோமீட்டர் 81 இல் இரட்டை அடுக்கு விரைவுப் பேருந்து விபத்துக்குள்ளானதில் மூவர் உயிரிழந்தனர்.
உயிரிழந்தவர்கள் பேருந்து ஓட்டுநர் அப்துல் அஜீஸ் டாவுட் (63) மற்றும் வங்கதேசத்தை சேர்ந்த சுக்ரி மத் நூர் (55) மற்றும் ஹொசைன் கமால் (41) ஆகியோர் ஆவர்.
அதிகாலை 1.50 மணியளவில் 18 பயணிகளை ஏற்றிக்கொண்டு கோத்தா பாரு, கிளந்தானில் இருந்து கோலாலம்பூருக்கு சென்றுகொண்டிருந்த பேருந்துக்கு விபத்து நேர்ந்ததாக லிபிஸ் மாவட்டக் காவல்துறைத் தலைவர் சூப்பரின்டெண்டன்ட் அஸ்லி முகமது நூர் தெரிவித்தார்.
"வளைவு பாதையில் செல்லும் போது பேருந்து கட்டுப்பாட்டை இழந்து சாலையின் தடுப்பு மீது மோதியதாக நம்பப்படுகிறது," என்று அவரைத் தொடர்பு கொண்டபோது கூறினார்.
இந்த சம்பவத்தால் மற்ற ஆறு பயணிகள் மற்றும் பேருந்தின் இரண்டாவது ஓட்டுநர் காயமடைந்தனர். மேலும் பேருந்தின் இடது பக்கம் மோசமாக சேதமடைந்தது.
சடலங்கள் பிரேதப் பரிசோதனைக்காக கோலா லிபிஸ் மருத்துவமனைக்கு கொண்டு செல்லப்பட்டது மற்றும் சாலை போக்குவரத்து சட்டம் 1987 இன் பிரிவு 41(1) இன் கீழ் விபத்து மேலும் விசாரிக்கப்பட்டது.
இதற்கிடையில், கோலா லிபிஸ் மற்றும் குவா மூசாங், கிளந்தான் ஆகிய தீயணைப்பு மற்றும் மீட்பு நிலையங்களிலிருந்து மொத்தம் 24 அதிகாரிகள் மற்றும் தீயணைப்பு வீரர்கள் சம்பவ இடத்துக்கு விரைந்தனர் என மலேசிய தீயணைப்பு மற்றும் மீட்புத் துறையின் பகாங்(ஜேபிபிஎம்) உதவி இயக்குநர் இஸ்மாயில் அப்துல் கானி கூறினார்.
- பெர்னாமா
