மாச்சாங், செப் 18- கார் பழுதுபார்ப்பு பட்டறை உரிமையாளர் ஒருவர் தனது
நான்கு சக்கர இயக்க வாகனத்தில் துப்பாக்கிச் சூட்டு காயங்களுடன்
இறந்து கிடக்கக் காணப்பட்டார்.
இங்குள்ள கம்போங் ஊத்தான் குயினில் நேற்று மாலை 5.30 மணியளவில்
நிகழ்ந்த இந்த சம்பவம் தொடர்பில் உயிரிழந்தவரின் மனைவியிடமிருந்து
தாம் மாலை 6.00 மணியளவில் தகவலைப் பெற்றதாக அவரின்
உறவினரான ஜூக்கி இப்ராஹிம் (வயது 38) கூறினார்.
நான் கோலாலம்பூரிலிருந்து திரும்பிக் கொண்டிருந்த போது இந்த
துப்பாக்கிச் சூட்டு சம்பவம் தொடர்பில் பாதிக்கப்பட்டவரின் மனைவி
என்னிடம் தகவல் தெரிவித்தார். உடனே நான் மாச்சாங்
மருத்துவமனைக்குச் சென்றேன். பாதிக்கப்பட்டவர் இன்னும் சம்பவ
இடத்திலேயே உள்ளதாக என்னிடம் தெரிவிக்கப்பட்டது என்றார் அவர்.
பாதிக்கப்பட்ட 37 வயதான அந்த உறவினரை தாம் இறுதியாக கடந்த
மாதம் சந்தித்ததாக அவர் சம்பவ இடத்தில் செய்தியாளர்களிடம்
தெரிவித்தார்.
பாசீர் பூத்தேவில் வசிக்கும் அவர், வாகன உபரிபாகங்கள் வாங்குவதற்காக
மாச்சாங் வந்து கொண்டிருந்த போது இந்த சம்பவம் நிகழ்ந்ததாக தம்மிடம்
தெரிவிக்கப்பட்டது என்றார்.
