கோலாலம்பூர், ஆகஸ்ட் 22: குறு, சிறு மற்றும் நடுத்தர நிறுவனங்களுக்கு (PMKS), குறிப்பாக B40 குழுமத்திற்கு உதவும் ஐ-தெக்காட் சமூக நிதித் திட்டத்திற்கு மானிய ஒதுக்கீட்டை அரசாங்கம் RM6 மில்லியனாக உயர்த்தும் என்று பிரதமர் டத்தோஸ்ரீ அன்வார் இப்ராஹிம் கூறினார்.
2023 பட்ஜெட்டில் ஒதுக்கப்பட்ட RM4 மில்லியனிலிருந்து இந்த ஆண்டுக்கான ஐ-தெக்காட்டின் மொத்த உதவி தொகை RM10 மில்லியனாக இருக்கும் என்று அவர் கூறினார்.
தேசிய வறுமையை ஒழிக்கவும், பணக்காரர்களுக்கும் ஏழைகளுக்கும் இடையிலான இடைவெளியைக் குறைக்கவும் அரசாங்கம் உறுதியாக உள்ளது என்றார்.
ஐ-தெக்காட் என்பது பேங்க் நெகாரா மலேசியாவால் உருவாக்கப்பட்ட ஒரு திட்டமாகும். இது குறைந்த வருமானம் கொண்ட குறுந்தொழில் முனைவோரின் நிதி மேலாண்மை மற்றும் வணிக நுண்ணறிவு தொடர்ந்து வருமானம் ஈட்டுவதையும் வலுப்படுத்த உதவுகிறது.
ஒவ்வொரு ஐ-தெக்காட் திட்டமும் நன்கொடைகள், சமூக முதலீடுகள், ஜகாத் மற்றும் ரொக்க வக்ஃப் போன்ற சமூக நிதிக் கருவிகளால் நிதி அளிக்கப்படும் வணிகச் சொத்துக்களை நுண்நிதியின், கட்டமைக்கப்பட்ட நிதி மற்றும் வணிகப் பயிற்சியுடன் ஒருங்கிணைக்கிறது.
– பெர்னாமா
