கோலாலம்பூர், ஏப்ரல் 4: இந்தோனேசியாவின் வடக்கு சுமத்ரா வில் நேற்று இரவு 10.59 மணியளவில் 6.2 ரிக்டர் அளவில் சக்திவாய்ந்த நிலநடுக்கம் ஏற்பட்டது என்று மலேசிய வானிலை ஆய்வு மையம் (மெட்மலேசியா) தெரிவித்துள்ளது.
இந்தோனேசியாவின் படாங் சிடெம்புவானில் இருந்து தென்மேற்கே 84 கிலோமீட்டர் தொலைவில் 86 கிலோமீட்டர் ஆழத்தில் நிலநடுக்கம் ஏற்பட்டதாக மெட்மலேசியா டைரக்டர் ஜெனரல் முஹம்மது ஹெல்மி அப்துல்லா தெரிவித்தார்.
பேராக், சிலாங்கூர், கூட்டரசு பிரதேசம் கோலாலம்பூர், புத்ராஜெயா, நெகிரி செம்பிலான், மலாக்கா மற்றும் ஜோகூர் ஆகிய இடங்களில் நடுக்கம் உணரப்பட்டது என்றார்.
எனினும், மலேசியாவிற்கு சுனாமி அச்சுறுத்தல் ஏதும் இல்லை என்றும் அவர் கூறினார்.
மேலும் மலேசிய தீயணைப்பு மற்றும் மீட்புத் துறை (ஜேபிபிஎம்) கோலாலம்பூர், ஜாலான் சிராஸில் உள்ள புடு இம்பியன் அபார்ட்மென்ட் 1ல் வசிப்பவர் இடமிருந்து நடுக்கம் தொடர்பான அழைப்பு வந்ததை உறுதிப்படுத்தியது.
ஜேபிபிஎம் கேஎல் செய்தித் தொடர்பாளர் கூறுகையில், மேலும் கண்காணிப்பு மற்றும் ஆய்வுக்காக ஒரு இயந்திரத்துடன் உறுப்பினர்கள் குழு அந்த இடத்திற்கு அனுப்பப்பட்டது.
சமூக ஊடகத் தளமான ட்விட்டரைச் சரிபார்த்ததில், பல்வேறு இடங்களிலிருந்தும் பயனர்கள் நடுக்கத்தை உணர்ந்துள்ளனர். மேலும் சிலர் ஆண்ட்ராய்டு அமைப்பிலிருந்து நிலநடுக்கம் குறித்த முன் எச்சரிக்கையின் ஸ்கிரீன் ஷாட்களைப் பகிர்ந்துள்ளனர்.
- பெர்னாமா
