ஷா ஆலம், செப் 6- பக்கவாதத்தால் பாதிக்கப்பட்ட மூதாட்டி ஒருவருக்குக் கின்றாரா
சட்டமன்ற உறுப்பினர் இங் ஸீ ஹான் உடனடி உதவிகளைச் செய்வதற்கான
ஏற்பாடுகளைச் செய்துள்ளார்.
பூச்சோங், தாமான் கின்றாரா, செக்சன் 4 உள்ள பங்லீமா அடுக்குமாடி குடியிருப்பைச்
சேர்ந்த அந்த மூதாட்டிக்குப் பெரியவர்களுக்கான பெம்பர்ஸ், நீரிழிவு நோய்க்கான ஊசி,
சாய்வு நாற்காலி போன்ற பக்கவாதத்தால் பாதிக்கப்பட்டவர்களுக்குத் தேவைப்படும்
பொருள்கள் அடுத்த வாரம் வழங்கப்படும் என்று அவர் சொன்னார்.
பக்கவாத நோயினால் பாதிக்கப்பட்ட அந்த மூதாட்டியை நான் நேரில் சென்று கண்டு நலம்
விசாரித்தேன். அவருக்கு என்னால் முடிந்த அளவு உதவி செய்யத் தயாராக உள்ளேன்
என்று தனது டியூட்டர் பக்கத்தில் அவர் தெரிவித்துள்ளார்.
தாமான் கின்றாராவில் உள்ள பொதுமக்களுக்கு நீரைப் பகிர்ந்தளிக்கும் போது அந்த
மூதாட்டியின் நிலை குறித்துத் தமக்குத் தெரிய வந்த தாக இங் குறிப்பிட்டார்.
