கோலாலம்பூர், மே 13:
மேன்மை தங்கிய மாமன்னர் அல்-சுல்தான் அப்துல்லா ரியாதுதுதீன் அல்-முஸ்தபா பில்லா ஷா அவர்களால் நாடாளுமன்றத்தின் இந்த ஆண்டிற்கான அதிகாரப் பூர்வ தொடக்க விழா அரச உரை மட்டுமே நடைபெற உள்ளது என மலேசிய நாடாளுமன்ற சபாநாயகர் டான் ஸ்ரீ முகமட் ஆரிஃப் எம்.டி யூசோஃப் தெரிவித்தார். பிரதமர் டான்ஸ்ரீ முஹீடின் யாசீன் கையெழுத்திட்ட ஒரு அறிக்கையை இன்று தாம் பெற்றதாகக் கூறினார். அந்த அறிக்கையில் 14 வது நாடாளுமன்றக் கூட்டத்தில் அரசாங்கம் மேற்கண்டவாறு முடிவு செய்துள்ளதை குறிப்பிட்டுள்ளது.
கோவிட் -19 தொற்று நோயை எதிர்த்து போராட்டம் நடத்தி வரும் நிலையே இதற்கு காரணம் என்று அவர் கூறினார். அவரைப் பொறுத்தவரை காலை 10 மணிக்கு மேன்மை தங்கிய மாமன்னரின் அரச உரை, பிரதிநிதிகள் சபை மற்றும் மக்களவை ஒன்றாக அமர்ந்து தொடங்கும். அரச உரைக்கு பிறகு எந்த நாடாளுமன்றக் கூட்டமும் இல்லை" என்று அவர் இன்று ஒரு அறிக்கையில் தெரிவித்துள்ளார்.
இந்த திருத்தம் சட்டமன்றத்தின் விதிகளின் 11 (2) மற்றும் 15 (2) விதிகளின்படி உள்ளது. முகமது ஆரிஃப், மக்களவை செயலாளர் ரிடுவான் ரஹ்மத், மக்களவை குறித்த புதிய அறிவிப்பை சபையின் அனைத்து உறுப்பினர்களுக்கும் வெளியிடுவார் என்றார்.
