ஷா ஆலம், ஜன.10-
கல்வி அமைச்சர் பதவியில் இருந்து டாக்டர் மஸ்லீ மாலேக் கடந்த ஜனவரி 3ஆம் தேதி விலகியதைத் தொடர்ந்து பிரதமர் துன் டாக்டர் மகாதீர் இடைக்கால கல்வி அமைச்சராகப் பொறுப்பேற்றார்.
கடந்த ஜனவரி 8ஆம் தேதி நடைபெற்ற அமைச்சரவைக் கூட்டத்தில் இம்முடிவிற்கு இணக்கம் காணப்பட்டதாக பிரதமர் அலுவலகம் வெளியிட்ட அறிக்கை கூறியது.
இவரது நியமனம் ஜனவரி 3 ஆம் தேதி நடப்புக்கு வந்ததாகவும் புதிய கல்வி அமைச்சர் ஒருவர் நியமிக்கப்படும் வரை டாக்டர் மகாதீர் இப்பதவியில் நீடிப்பார் என்று அவ்வறிக்கை தெரிவித்தது. புத்ராஜெயாவில் கடந்த ஜனவரி 2ஆம் தேதி தமது கல்வி அமைச்சர் பதவியைத் துறப்பதாக டாக்டர் மஸ்லீ அறிவித்தார்.
